– Muny qashan alyp ediń?
– Alty ai buryn.
– Telefonyń anaý aitqandai eski emes eken. Endeshe bul jańa telefondy ne úshin almaqsyń?
– Mynaý endi Aifonnyń sońǵy shyqqan túri ǵoi.
– Alty ai buryn alǵan myna telefonyńnyń barlyq fýnktsiialary men múmkinshilikterin qoldanyp júrsiń be?
– Joq.
– Al myna shyqqan sońǵy nusqasynda qazirgi qolyńdaǵy telefonyńda joq, biraq sen qoldanǵyń kelgen qandai fýnktsiia, iaki múmkinshilik bar?
– Eshqandai
– Olai bolsa, bul telefondy ne úshin alaiyn dep tursyń?
Aramyzda bolǵan áńgimeden keiin men únsiz ǵana telefondy ornyna qoiyp, dúkennen shyǵyp kettim. Aitqan ýájderi rasymen de óte oryndy edi. Qolymdaǵy telefonymnyń ary ketse 5-6 fýnktsiiasyn ǵana qoldanamyn. Jańasyn alsam da qoldanatynym sol fýnktsiialar. Endeshe sońǵy nusqasyn alýym jai ǵana ysyrap pen maqtan úshin edi. Jańaǵy iri kásipker únemshildikti ómiriniń negizgi qaǵidasyna ainaldyrǵan jan bolatyn. Keiinnen bildim, ýaqyty tyǵyz bolmasa, ushaq emes, únemi poiyzben júredi eken. Úidegi qoldanatyn sýdy da únemdeý úshin smesitelderine de arnaiy qondyrǵy ornatqan kórinedi.
Joq kezde únemdeý ońai. Al bar kezde she? Alla elshisiniń (s.a.ý.): «Teńizdiń jaǵasynda dáret alsań da, sýdy ysyrap qylma!» degeni qandai ǵajap qaǵida?! Kisini únemdeýge úiretedi. Ony ómirlik printsipke ainaldyrýǵa shaqyrady. Teńizdiń jaǵasynda ysyrap jasamaǵan adam, bylaiǵy kezde odan tipten aýlaq júredi. Áitpese, teńiz sýyn molynan, erkin qoldanǵannan onyń sýy azaimasy anyq. Biraq kisini ysyrapshyldyqqa jeteleitini sózsiz.
«Ekonomika» degen sózdiń ózi únemdeý degennen shyǵady. Endeshe tek daǵdarys kezinde emes, jalpy jaǵdaida da memleket te, ony quraǵan mekemeler men jekelegen adamdar da únemshildikti úirengen kezde ǵana ekonomikamyz shynaiy damý jolyna túsedi.
Únemshildikti ómiriniń basty qaǵidasyna ainaldyrǵan álgi kásipkerdiń jylyna milliondaǵan dollaryn qaiyrymdylyqqa beretinin, jumysyna 1-2 saǵat buryn kelip, toǵyzǵa deiin kúndelikti Quran duǵalaryn, arnaiy rýhani mazmundaǵy kitaptaryn oqitynyn estigenimde, mine Alla súigen naǵyz taqýa jan dedim eriksiz. Nege? Óitkeni únemshil adamnyń jomart bolýy sirek jaǵdai. Eki kereǵar jaqsy qasiettiń bir-birine kóleńkesi túspei, bir kisiniń boiynan tabylýy – shynaiy taqýalyq bolmaq. Al qat-qabat jumys ortasynda júrip, rýhani dúniesine ýaqyt taba bilýi – kópke úlgi bolarlyq tamasha qasiet.
Qairat Joldybai.
Islam.kz
