Elimizdiń qarýly-kúshteriniń sarbazdaryn mamandyq boiynsha daiarlaý jeltoqsan aiynyń sońynda aiaqtalǵan bolatyn. Izin ala igerilgen teoriialyq bilimderin sarbazdar sapynda is júzinde kórsetý sharalary bastaldy. Baǵdarlamaǵa sáikes qańtar boiy bólimshelerdiń jaýyngerlik daiarlyǵy shyńdalady. Maqsat – áskeri qyzmetkerlerdiń dalalyq mashyqtaryn pysyqtaý, jeke quramǵa jańa tehnikalardy tanystyrý. Buǵan qosa áskeri qyzmetkerlerdiń boiynda ustamdylyq, tózimdilik, jaýaptylyq syndy jaýyngerlik qasietterdi ushtaý. Oqý-jattyǵýǵa qatystyrylatyn jaýyngerlik tehnikamen qarý jaraqtyń qai túri bolsyn jaýyngerlerge jaqsy tanys. Sebebi olarǵa aldymen teoriialyq bilim beriledi. Iaǵni oqýlyqtardan oqidy, nusqaýlyqtarymen tanysady, tiisinshe maketterimen jumys istep kóredi. Keiin tájiribelik sabaqtarǵa jiberiledi. Bul oqý jattyǵýǵa qurlyq áskerlerine qarasyty barlyq bólim jappai qatystyrylady. Syrt qalyp qoiatyny joq. Áskeri bólimderdiń jaýyngerleri ózderine bekitilgen poligondarǵa jetkiziledi. Sáikesinshe teoriialyq bilimdi tájiribede qoldaný bastalady. Belgili bir baǵdar boiynsha júrip otyratyn sarbazdar ár bir oqý-jattyǵý núkitesinde jasaityn is-áreketterin pysyqtap alady.
Máselen, Úsharalda ornalasqan №40398 áskeri bóliminde daiyndyq qyzý júrip jatyr. Komandir buiryǵymen 2021 jylǵa arnalǵan «Ishki ásker men qaraýyl qyzmetine arnalǵan oqý-jattyǵýdy uimdastyryp, ótkizý» boiynsha barlyq norma saqtalǵan.
«Mamandyq boiynsha daiarlaý sabaqtary tiisti qujattarǵa sai, oqytý mamandary men instrýktorlar saqadai sai. Dárister aiaqtalyp, ony tájiribede qoldaný boiynsha áskeri shuǵyl qyzmettiń jeke quramy sabaqtarda ótken taqyryptarǵa qyzyǵýshylyq tanytyp otyr»,- deidi №40398 áskeri bólim komandiriniń «Tárbie jáne ideologiialyq» jumystary jónindegi orynbasary ulan p-p/k Seitqali Baibosynov.
Materialdyq-tehnikalyq baza boiynsha oqý jattyǵýda jergilikti kinoproektordyń maketi boiynsha jumystaryn bólimshelerdiń komandirleri qulshynyspen atqarýda. Sondai-aq, áskeri sarbazdar arasynda saýalnama júrgizilgen. Nátijesinde atalǵan shara barasynda jaýyngerlerdiń qarý-jaraq pen tehnikalyq alǵan bilimderiniń joǵary ekenin kórsetken. Buǵan qosa atý jattyǵýlary boiynsha jumystar joǵary deńgeide uiymdastyrylǵan. Jeke quramda aýysym ýaqytynda júrgiziledi. Jattyǵý barysynda qaýipsizdik barynsha saqtalǵan. Óitkeni, ony paidalaný men alyp jurý taǵy bir eske túsiriledi. Qazirgi tańda, sarbazdar aldaryna qoiylǵan mindetterdi oryndaý ústinde.
Atyp óteiik, dál osyndai jattyǵýlar áskerlerdi, ásker bólimderin jáne ásker túrin soǵys tártibine keltirip, ofitserlerdiń, serjanttardyń, qatardaǵy jaýyngerlerdiń taktikalyq bilimin jetildirip, tájiribesin molaitady, Qarýly Kúshterdiń qabilettiligin arttyryp, urysqa árqashan daiyn bolýyn qamtamasyz etedi.
Alakól aýdany ákiminiń baspasóz qyzmeti
