"Toqaevty Atyraýǵa shaqyramyn". Boqaev bilikke 5 talap qoidy
Bes talaptan turatyn úndeýinde Boqaev Toqaevty dóńgelek ústelge shaqyryp, ulttyq dialog qurýdy usynady.
Birinshi qadam - Ulttyq ymyra:
Qasymjomart Toqaev jarlyǵymen barlyq saiasi astary bar isterdi joq qylyp, saiasi tutqyndardy bosatsyn;
Ózi úshin jáne ortaq úiimizge amandyq tileitinder urys-keristi doǵarsyn;
Ekinshi qadam – Ulttyq dialog:
Buny azamattyq koalitsiia jáne Toqaev komandasy arasyndaǵy aldyn-ala kelissózder túrinde Atyraýda ótkizýdi usynamyn;
Úshinshi qadam – Konstitýtsiialyq quryltai:
Oǵan qatysý úshin, ár obylys pen iri qalalardan belgilengen mólsherlerdegi delegattar jinala alady;
Tórtinshi qadam – Respýblikanyń jańa Konstitýtsiiasyn qabyldaý;
Besinshi qadam – Adal sailaý ótkizý;
Boqaev munyń bárin biylǵy qazan aiynyń sońyna deiin jasap úlgerý kerek dep esepteidi. Quryltai ótkizer merzimniń jaqyn qalǵanyn eskertken ol "biriksek degenimizge jetemiz" degen pikirde.
"Bizdiń Otan aýyr kúizelis ústinde. «Eldi kim tonady?» dep, qazir is qozǵap jazalaityn prokýror bolǵam kelmeidi. Men, áreket jasaý kerek deimin. Quldyraýdy toqtatyp, tarihi tuiyqtan shyǵý ońai bolmas.
Demek, Qazaqstan Respýblikasyn damýǵa jetkizetin joldar men múmkindikter bar. Men optimistpin. Basqasha jaǵdaida elden baiaǵyda ketip qalatyn edim. Isatai-Mahambet alańynda turyp 28-shi aqpan kúni saǵat 12:00 de osy pikirlerimdi otandastaryma jetkizgim keledi. Tártip! Ádildik! Azattyq! Qazaqstan Respýblikasy jasasyn!", – deidi Boqaev úndeýinde.
https://www.youtube.com/watch?v=2pmHH9vg8sI
