⠀
Búgin táýelsiz jýrnalıs, medıamenedjer Áset Mataev QR Parlament Májilisi depýtattarynyń kezekten tys saılaýyna túsý úshin kandıdatýrasy tirkelgeni týraly kýálik aldy. Saılaý 19 naýryzda ótedi.
⠀
«Dostar, márege jetip qaldyq! Bir aptadan soń saılaýaldy jumystyń jarıa kezeńi bastalady jáne men naqty josparlarymdy aıtyp bere alamyn. Sizderdiń qoldaýlaryńyzdy sezinip jatyrmyn, jazǵan ár jyly sózderińiz úshin rahmet», - dedi Áset Mataev óziniń Telegram-arnasynda.
⠀
Áset Mataev №5 okrýgte tirkeldi. Oǵan Bostandyq, Medeý jáne Naýryzbaı aýdandary jatady.
⠀
Qazaqstan boıynsha saılaýǵa 29 birmandatty okrýgten barlyǵy 609 kandıdat túsedi.
⠀
Eske sala keteıik, Áset Mataev saılaýǵa túskisi keletinin 1 aqpanda málimdegen edi. QazTAG aqparattyq agenttiginiń basshysy Áset Mataev pen onyń ákesi, Jýrnalıser odaǵynyń basshysy Seıitqazy Mataev saıası sebepterge baılanysty zańsyz sottalǵan.
2022 jylǵy shildede tórtinshi talpynystan soń Joǵary Sot Áset pen Seıitqazy Mataevty tolyǵymen aqtady.
⠀
Osyǵan deıin Áset Mataev birneshe ózekti máselelerge qatysty ustanymyn jetkizdi. Ol Almatynyń Naýryzbaı aýdanyndaǵy sý tapshylyǵy máselesin kóterip, jańa «Mass-medıa týraly» zań jobasyna qatysty usynystaryn bólisti. Sondaı-aq Túrkıa men Sırıadaǵy qaıǵyly oqıǵany eskere otyryp Almatyda jer silkingen jaǵdaıda qandaı qaýipsizdik sharalary qajet ekenin naqtylap, usynystar jasap, oı tolǵady.
