«Arman» aralyndaǵy demalys
Aýysymnyń eń qyzyqty ári este qalar kúnderi óte kóp boldy. Aýysymǵa elimizdiń túpkir – túpkirinen jinalǵan matematikter men himikter kelip aýysymnyń shyraǵyn jaǵyp ketken bolatyn. Aýysymnyń shýaqty kúnderi «Baldáýren, sálem» tanysý keshinen bastaldy. Al «Dos bolaiyq bárimiz» otriad vizitkasyn qorǵaý keshinde balalardyń, bir – birine degen dostyq qarym – qatynasy anyq baiqaldy. Mine osyndai shýaqty kúnderden keiin, arman aralynyń balalarǵa degen kútpegen tosynsyilary az bolmady. Balalarymyzǵa berer tárbie men aqyl keńester, is- sharalar, ziiatkerlik oiyndary, shyǵarmashylyq baiqaýlardan alar nári mol bolmaq. Osyndai qajetti baǵdarlamalar, óskeleń urpaqtyń boiyna sińse, elimizdiń bolashaǵy aiqyn ári, nyq bolaryna kámil senemiz.
Aýysym barysynda ótken qyzyqty is – sharalardy atap ótsek «Bárin bilgim keledi» , «Oilan Time» , «Kýbik - Rýbika» , «Bilgir himik» , «Uly ǵylymdar áleminde» , «Kel oinaiyq!» osyndai oiyndarymyz balalardyń oilaý, damý qabiletterin arttyryp jatsaq, ekinshi jaǵynan balalardyń kóńilderinen jaqsy qýanysh, al júzderinen kúlkini ańǵarýǵa bolady. Ol árine ortalyǵymyzda qalyptasqan merekelerdiń arqasynda ár balaǵa shattyq pen ómir, syilaý arqyly este qalmaq. Halqymyz aitpaqshy «Deni saýdyń, jany saý» demekshi balalardyń arasynda ótken sporttyq oiyndar osynyń negizi bolmaq. Jalpy qoryta aitqanda, demalýshy balalardyń aýysymnan alǵan áseri óte joǵary. Osyndai uiymdastyrylǵan merekelik is-sharalardyń arqasynda bolashaq balalardyń densaýlyǵy, alar bilimi joǵary bolmaq.
Abzal BAQYTJANULY, ǴÁB ádiskeri
