Aq túieniń qarny jarylǵan kún
Almatylyq bilim grantyn ielengender men olardyń ata-anasy úshin búgingi kúnniń sipaty osyndai bolyp tur.
Qýanyshtyń kóz jasy men mańyzdy jańalyqty estigen almatylyqtardyń áserleri áleýmettik jelilerden anyq baiqalady.
Almatylyq memlekettik bilim granty iegerleri óz qýanyshtarymen áleýmettik jelilerde belsendi túrde bólisýde. Jas talapkerler ózderiniń joǵary oqý oryndaryna tegin túskenderin jariialap, qýanyshty sátterin dostary men týystaryna jiberip jatyr.
Áleýmettik jelilerde quttyqtaý sózder, fotosýretter men beinematerialdar arqyly bul mańyzdy jetistikti atap ótýde.
«Grantqa tústim, QAZUÝ kút meni! Osy sátti armapdap edim, armandar oryndalady! Qatty ýaiymdap edim, QBTÝ grantyn alyppyn! 1 jyldyq eńbegim aqtaldy, allaǵa shúkir! QyzPÝ-ǵa túsippin, shúkir!» degen jalyndy jastardyń qýanyshty áserleri áleýmettik jelini jelpintip tastady.
Grant iegerleriniń qýanyshyna almatylyqtar ata-analar da qosylyp, balalarynyń bolashaqta úlken jetistikterge jetetinine senim bildirip, jaqsy tilekterin joldap jatyr.
«Al, dostar! Aq túieniń qarny jaryldy degen osy! Ulym QazGý-dyń grant iegeri atandy! Myna tizimde 66-shy bolyp tur. Altyn bala! «Ýra, grant iegeri atandy», «Balam, grant iegeri atanýyńmen shyn júrekten quttyqtaimyn meniń bolashaq energetigim. Sen bizdiń úmitimizdi aqtadyń! Bolashaǵyń jarqyn bolsyn, balapanym!», - degen ata-analardyń jazbalary jetkilikti.
Jańa bilim alýshylar ózderiniń oqý oryndary men mamandyqtary týraly málimettermen bólisip, aldaǵy oqý jylyna úlken úmit artyp otyr.
Esterińizge sala keteiik, granttardy taǵaiyndaý konkýrsyna qatysý úshin 80 myńǵa jýyq talapker qujat tapsyrdy. Bul ótken jylmen salystyrǵanda 5 myńǵa artyq.
Birneshe jyl qatarynan talapkerlerdiń tańdaýy ózgerissiz qalyp otyr. Iaǵni ótinishterdiń kóbi «Pedagogikalyq ǵylymdar», «Injenerlik, óńdeý jáne qurylys salalary» men «Aqparattyq-kommýnikatsiialyq tehnologiialar» siiaqty baǵyttarǵa berildi. Bir granttyq orynǵa eń úlken konkýrs bolashaq muǵalimder, tis dárigerleri jáne injenerler arasynda boldy.
