Budan bólek aımaqtaǵy medısınalyq mekeme sany 3182-i quraıdy. Olardyń barlyǵyda kompúterlik tehnıkamen jabdyqtalǵan. Sondaı-aq, Almaty oblysynda 339 medısınalyq uıym qyzmet kórsetedi. Olardyń 98% ınternetten tarshylyq kórip otyrǵan joq.
Osy oraıda, aımaqta «Jetisý», «DamýMed», «103 Kómek» medısınalyq aqparattyq júıeleri jumys isteıdi (budan ári - MAJ), medısınalyq júıeler derekteriniń arnaıy mobıldi qosymshalary iske qosylǵandyǵyn atap ótken jón.
Óńirdegi sıfrlandyrý jumysynyń qarqyn aýlynyń bir kórinisi memlekettik jeke menshik áriptestik aıasynda 14 uıymda PACS (sýretterdi tabystaý jáne muraǵattaý júıesi) beınelerin muraǵattaý jáne tabystaý júıesi ornatylǵan jáne «Jetisý» MAJ-men biriktirilgen.
Sonyń arqasynda 2019-2022 jyl aralyǵynda 600 myńnan astam zertteý jumystary júrgizildi.
Aıta keteıik, oblysta «E-Ótinish» júıesi de júıeli jumysy atqarýda. Atalmysh júıeniń qodanysqa enýiniń nátıjesinde aımaqtaǵy memlekettik organdardyń túgeldeı derligi «Bultty qujat aınalymyna» kóshti.
Keń jolaqty ınternetke qoljetimdilikti qamtamasyz etý isine keler bolsaq, oblysta ártúrli tehnologıalar boıynsha 380 aýyldyq eldi mekenniń 370 aýyldyq eldi meken (97,4%) ınternet jelisine qol jetkizgen.
Internet jelisine qosylmaǵan 10 aýyldyq eldimeken qaldy. Bul aýyldarda 328 adam turady. Búginde Almaty oblysynda halyqtyń ınternetke qol jetimdigi 99,9%-dy qurap otyr.
Qazirgi ýaqytta 380-den 363 aýyldy eldi meken (95,5%) mobıldi ınternetke qol jetkize alady. Olardyń ishinde 281 aýyldyq eldimekende 4G bar. Ǵalamtorǵa kedergisiz qosylýǵa múmkindik alǵandar qatary kúnnen-kúnge artyp keledi. Oǵan dálel, 2021 jyly Jambyl aýdanynyń Bulaq aýylyna mobıldi ınternettiń tartylýy.
Aǵymdaǵy jyly FWA tehnologıasy boıynsha Balqash aýdanynyń Qaraózek aýyly, Jambyl aýdanynyń Espe, Jartas aýyly, Kegen aýdanynyń Qyzyljar aýylyna ınternet tartý kózdelinip otyr. Osylaısha, oblystaǵy shalǵaı aýyldardyń turǵyndaryna álem jańalyǵyn áp-sátte kórip, bilýine jol ashylaıyn dep tur.
Oblystaǵy sıfrlandyrý isiniń alǵa basýynyń birden-bir kórinisi memlekettik kórsetiletin qyzmetterdiń avtomattandyrylýy. Óńirde jalpy alǵanda 173 memlekettik qyzmet túri oblys halqy úshin kórsetiledi, onyń 162-sin elektorndy túrde alýǵa bolady.
Bir ǵana bilim jáne sport salalaryn alar bolsaq, aımaqtaǵy eki salada 12 memleketitk qyzmet avtomattandyrylǵan. Bul qatarda 2021 jyly «turǵyn úı sertıfıkattaryn berý» memlekettik qyzmeti de bar.
Tipti aýyl sharýashylyǵynda egis alqaptary da sıfrlandyrýǵa kirktirligen. Búgingi kúni Almaty oblysynda «sıfrlyq jáne ilgeri» deńgeıdegi 17 ferma jumys isteıdi.
Jahandaný dáýirinlegi jańa Qazaqstanda sıfrlandyrý isi barlyq salany qamtyǵany aqıqat. Bul tusta Jer qatynastary men sáýlet salasynda aımaqtyq geoaqparattyq júıe (RMAJ) engizilgendigin atap ótken abzal.
Joba aıasynda Qonaev, Uzynaǵash, Qaskeleń, Ótegen Batyr, Talǵar, Esik qalalary syndy oblystyń 6 eldi mekeninde ınjenerlik komýnıkasıalardy topografıalyq túsirý, eldi mekenderdi aerofototúsirilim, sondaı-aq memlekettik qyzmet kórsetý úderisterin avtomattandyrý boıynsha jumystar júrgizilip keledi.
