Almaty oblysynda 8 shaǵyn sport kesheni salynady
Jeti ózeni toǵysqan ólkede, jaýyryny jerge timegen ulttyń ulandaryn shyńdaý maqsatynda túrli sporttyq sharalar júzege asýda. Al, kil júirikter top jaratyn alamanǵa sańlaqtardy daiyndaý úshinde, aranaiy «Altyn orda» qurylýy tiis. Bul rette, óńir basshylyǵy nysanadan múlt ketpedi.
Oǵlandardyń basyn bir arnaǵa toǵystyrý maqsatynda, 2019 jyldyń naýryz aiynda Almaty oblysynyń jaýyngerlik óner qaýymdastyǵy qurylǵan-dy. Atalǵan birlestikke 16 oblystyq sport federatsiialary kiredi. Bir shańyraqtyń astynda toptastyrylǵan sporttyq ujym júieli ister atqaryp keledi. Sonyń bir dáleli, 2019 jyly mamyr aiynda oblystyq jaýyngerlik óner festivalin uiymdastyrǵanyn atap aitýǵa bolady. Buǵan barlyq 16 federatsiia qatysqan bolatyn.
Ainalasy eki jyldyń ishinde Almaty oblysyndaǵy jaýyngerlik óner assotsiatsiiasyndaǵy sport túrleri boiynsha top jarǵan sportshylardyń jetistigi aýyz toltyryp aitarlyqtai.
– Bizdiń saiyp qyrandarymyz, osy ýaqyt ishinde Aziia oiyndarynan 2 altyn, 3 qola medal. Álem chempionattarynan 78 altyn, 54 kúmis, 57 qola júlde, Aziia chempionattarynda 63 altyn, 17 kúmis, 21 qolany qanjyǵaǵa bailady. 85 sportshy halyqaralyq deńgeidegi sport sheberi. 115-i QR sport sheberi dárejesinge jetip otyr, – deidi Almaty oblysy boiynsha jaýyngerlik óner qaýymdastyǵynyń jetekshisi Aidos Ábilmájinuly.
Aimaqta, sport salasyna qajetti kóńil bólinýde. Onyń aiqyn kórinisi, eldi mekenderde zamanaýi keshen qurylysynyń bastaý alýy. Kezedesý barysynda Rýstam Ali:
– Oblysymyzdyń barlyq aýdandarda dene shynyqtyrý-saýyqtyrý kesheni salynýda. Búginde onyń sany 11-ge jetti. Taǵy beseýi biylǵy jyly qoldanysqa beriledi. Oblystyq sport basqarmasynyń usynysymen 8 shaǵyn dene shynyqtyrý-saýyqtyrý keshenin salý josparlanǵan. Mundai nysan halyq sany 3 myńnan asqan shalǵai aýyldy mekenderde boi kóteredi. Aldaǵy tańda osy baǵytta jumys jasalyna beredi, – dep aitty.
Elimizde jaýyngerlik ónerden bólek, atadan balaǵa mura bolyp qalǵan ulttyq qundylyǵymyz, qazaq kúresin respýblikalyq jáne halyqaralyq arenada damytý jumysyda jolǵa qoiylǵan.
Atalǵan mejeni baǵyndyrý maqsatynda «Qazaq kúresi» federatsiiasy quryldy. Sondai-aq, «Qazaq kúresi» qaýymdastyǵynynyń Prezidenti Kárim Másimovtyń qoldaýymen «Qazaq kúresi akademiiasy» esigin aiqara ashqan edi. Osy arqyly sport salasynda, ǵylymi-praktikalyq bazany nyǵaityp, mamandardyń biliktiligin arttyrý kózdelgen.
Sonymen qatar, «Rýhani jańǵyrý qazaqstandyq qoǵamdyq damý» inistitýtymen birlese otyryp, «Qazaq kúresi» arnaiy tujyrymdamasy daiyndalǵanyn atap ótken jón. Joba, ulttyq kúresti nasihattaý arqyly, qazaq halqynyń biregeiligin saqtap, álemdik deńgeide Qazaqstannyń oń immedjin qalyptastyrýǵa baǵyttalǵan.
Ulttyq sporttyń bedelin kóterýge arnalǵan is-sharalar legi munymen tolastar emes. Aǵymdaǵy jyly alǵash ret, «Úzdikterdiń úzdigi!» atty Elbasy Nursultan Nazarbaevtyń kýbogy úshin saiys uiymdastyrylady. Atalǵan doda da 8 salmaq dárejesinde sportshylar baq synaidy. Solaisha, elimizdiń bas palýany anyqtalady.
Jiyn barysynda, Almaty oblysynda «Bóri» atty qazaq kúresi federatsiiasy, qoǵamdyq birlestigi qurylǵany tilge tiek etildi. Birlestik 2013 jyly 25 sáýirde zańdy túrde tirkelgen. Búgingi kúni federatsiiada 1500-den astam sportshy tirkelgen. Qazirde 56 jattyqtyrýshy jumys isteidi, onyń 4-i joǵary sanatty. Jalpy oblys boiynsha, 17 aýdan, 2 qalada qazaq kúresi bólimderi jumys isteidi. Olardyń barlyǵy arnaiy jabdyqtarmen qamtylǵan. Bul rette, oblystyq sport basqarmasynyń jan-jaqty qoldaý bildiretindigin basa aitqan abzal.
Alqaly otyrysqa arnaiy kelgen, «Qazaqstannyń jaýyngerlik óner qaýymdastyǵy» jáne «Qazaq kúresi» qaýymdastyǵynyń bas direktory Abat Samatuly, qaladaǵy sport nysandarynyń jaǵdaiyna joǵary deńgeide baǵa berip, aimaq áleýeti týraly sóz qozǵady.
– Men Taldyqorǵanǵa araǵa on jyl salyp kelip otyrmyn. Shahar kórikti túrde damyǵan. Kórseń kóziń toiady. Birqatar. sporttyq nysandardyń boi kótergeni sportshy qaýym úshin úlken qýanysh. Óńir halqyna, ásirese jastardyń jan-jaqty jetilýine yqpal etip oytrǵan oblys basshylyǵyna alǵysymdy bildiremin. Sporttyń qai túri bolmasyn erekshe. Sonyń ishinde bizdiń ultymyzdyń qanymen bite qainasqany qazaqsha kúres. Bul bizdiń maqtanyshymyz, – dep túiindedi Abat Imambaev.
