«Qazaqstannyń ornyqtylyq qory» kýpondyq syiaqyny ýaqtyly tóledi
Obligatsiialar 8,5% kýpondyq jyldyq kiristiligimen 100 mlrd teńge somasyna 2020 jylǵy 27 aqpanda ainalysqa tústi jáne ekinshi deńgeidegi bankterdiń, saqtandyrý kompaniialardyń, aktivterdi basqarý jónindegi qorlardyń jáne brokerlik uiymdardyń arasynda ótkizildi.
Ótken jyldyń sońynda QOQ Qazaqstan qor birjasynda uzaqmerzimdi 10 jyldyq obligatsiialardyń debiýttik ornalastyrýyn júrgizdi. Ornalastyrý kólemi 10 mlrd teńge boldy jáne saýda-sattyqtyń qorytyndysy boiynsha baǵaly qaǵazdar joǵarylatylǵan qaita jazylýmen ótkizildi, bul investorlar tarapynan uzaqmerzimdi investitsiialar úshin senimdi qarjy quraly retinde QOQ obligatsiialaryna degen joǵary suranysty kórsetti.
Qazirgi kezde QOQ-tyń birjalyq portfeli eki, úsh, bes, jeti jáne on jyldyq obligatsiialardan turady, olar memlekettik baǵaly qaǵazdar qorjynyna engizilgen jáne ekinshi deńgeidegi bankterdiń ipotekalyq qaryzdaryn satyp alý arqyly «7-20-25» jáne «Baspana Hit» ipotekalyq turǵyn úi baǵdarlamalaryn iske asyrý maqsatynda shyǵarylady.
