"AES salatyn jerdi anyqtap qoidyq, endi ony salǵysy keletinderdiń tehnologiiasyn qarastyryp jatyrmyz" dedi Toqaev.
Prezident AES naqty qai jerge salynatynyn aitqan joq. Sol kúni energetika ministri Bolat Aqsholaqov AES Almaty oblysyndaǵy Balqash kóli mańyndaǵy Úlken aýylynda salynatynyn aitty.
– Geologiialyq, sý resýrstary, klimat jaǵdaiy, júie men jelilerdiń araqashyqtyǵy sekildi túrli parametrlerge bailanysty ázirge ýchaskeniń naqty koordinatyn aita almaimyn, – dedi ministr.
Buǵan deiin bilik Úlken aýylymen birge Kýrchatov qalasyn da ataǵan.
9 maýsymda Ibusiness.kz basylymy "Qazaqstandyq atom elektr stantsiialary" kompaniiasynyń bas direktory Timýr Jantikin, qurylysty salýǵa niet bildirgen eki amerikalyq kompaniianyń ótinishin keri qaitarǵan dep habarlady. Olar shaǵyn modýldi reaktorlar qurylysynyń jobasyn usynǵan. Nur-Sultan eldegi alǵashqy AES úshin bul tehnologiiany paidalaný qaýipti bolýy múmkin degen sheshimge kelgen dep jazady basylym.
Amerikalyq kompaniialardan keiin qazir tórt kompaniianyń ótinishi qarastyrylyp jatyr.
– Bul, árine, "Rosatom" (Resei jobasy), olar qazir bárinen kóp salady. Olardyń tehnologiialary ǵana emes, qurylysynyń ózi júiege qoiylǵan. Frantsiia. Qazir naryqqa Qytai kirdi, buǵan qosa Birikken Arab ámirlikterinde stantsiia salyp, birinshi blogyn iske qosqan Koreia bar. Olar qazir Eýropa men AQSh-ta jumys istep jatyr, – dedi Timýr Jantikin.4Onyń sózinshe, 3+ jobasynyń eki bloktan turatyn standartqa sai stantsiianyń quny shamamen 8-12 milliard dollar. Joba ózin 14-16 jylda aqtap shyqpaq.
Energetika ministrligi josparyna sáikes, AES qurylysy 2035 jyly bitip, iske qosylmaq.
Resei buǵan deiin Qazaqstanda AES salý máselesin birneshe ret qozǵaǵan. 2019 jyly sáýirde Resei prezidenti Vladimir Pýtin Qazaqstan prezidenti Toqaevpen kezdesýde Qazaqstanda "reseilik tehnologiia" boiynsha AES salý týraly usynys aitqan. Bul aqparat Qazaqstan qoǵamynda iri rezonans týdyrdy, jurt usynysty synady.
