Áleýmettik jelide Jetisý oblysynyń ákimi Beıbit Isabaevtyń jumysqa kiriser aldynda jınalysta ákimdik qyzmetkerlerine eskertý jasaǵany týraly málimet tarap jatyr, – dep habarlaıdy Dalanews.kz.

Onda oblys ákimi jergilikti sheneýnikterge memlekettik tilge qurmetpen qarap, oryssha emes, aldymen óz ana tilimizde sóıleýdi eskertkeni jazylǵan.

Taıaýda QR Premer-Mınıstri Álıhan Smaıylov Taldyqorǵan qalasyna baryp, Jetisý oblysynyń barlyq deńgeıdegi máslıhat depýtattarynyń jınalysynda QR Prezıdentiniń Jetisý oblysynyń ákimi laýazymyna Beıbit Isabaev pen Baǵdat Qarasaevtyń kandıdatýralaryn qaraýǵa engizý týraly hatyn oqyp bergen bolatyn.

Ashyq daýys berý nátıjesine 141 depýtat qatysyp, 106 depýtat Beıbit Isabaevtyń kandıdatýrasyna, 35 depýtat Baǵdat Qarasaevqa daýys bergen bolatyn. Osylaısha basym daýysqa ıe bolǵan Beıbit Isabaev Jetisý oblysy ákim qyzmetine kirisken-di.