Jiynǵa qatysqan QR Premer-ministriniń orynbasary Eraly Toǵjanov referendým qorytyndysy qoǵamdyq toptasýdyń jańa deńgeiin kórsetkenin atap ótti.
Óz kezeginde «AMANAT» partiiasynyń Atqarýshy hatshysy Ashat Oralov ótken referendým elde demokratiia institýty nyǵaiyp kele jatqanyn kórsetkenin atap ótti.
– Bul mańyzdy saiasi oqiǵa memlekettilikti demokratiialyq qundylyqtarǵa negizdep qurýǵa degen baǵdarymyzdy bekitti dep senimmen aita alamyz. Konstitýtsiiaǵa engiziletin ózgerister – saiasi reformalardyń basy ǵana. Elimizdi jan-jaqty jańǵyrtý jumysy jalǵasady. Bizdiń partiiamyz osy jańa jaǵdaiǵa daiyn. Eldiń jetekshi saiasi kúshi pozitsiiasyn saqtap qalý úshin «AMANAT»-tyń áleýeti jetkilikti. Tájiribeli saiasi oiynshy jáne parlamenttik kópshilik daýysqa ie partiia retinde naqty básekelestikke daiynbyz, – dedi Ashat Oralov.
«Egemen Qazaqstan» Respýblikalyq gazeti» AQ Basqarma Tóraǵasy Darhan Qydyráliniń pikirinshe, referendým demokratiialyq respýblikaǵa azamattyq, ashyq qoǵamǵa, ádiletti elge jasalǵan naqty qadam boldy.
Májilistegi «AMANAT» fraktsiiasynyń múshesi Iýliia Kýchinskaia referendým azamattardyń edáýir bóligin saiasi protsesterge boilap, elde bolyp jatqan ózgeristerdi saralaýyna múmkindik berdi dep sanaidy.
– Eger azamattar qandai ózgerister oryn alyp jatqanyn, túzetýlerdi qabyldaǵannan keiin olardyń qandai múmkindikteri bolatynyn túsinbese, ózgerister tek qaǵaz betinde qalyp qoiýy múmkin, – dep qosty Iýliia Kýchinskaia.
QR Parlamenti janyndaǵy Parlamentarizm Institýtynyń direktory Mansurhan Mahambetovtyń aitýynsha, reformalar birinshi kezekte memlekettik biliktiń tiimdiligin arttyrýǵa baǵyttalǵan.
– Iaǵni memlekettik biliktiń standartyn jasaýymyz kerek. Standart bolǵan jerde ǵana tártip, ashyqtyq, jaýapkershilik bolady. Standart degenimiz ol jalpy ereje. Biz memlekettik biliktiń pármendiligin arttyramyz desek, osy standarttyń tóńireginde jumyla birigip jumys isteýimiz qajet, – dedi M.Mahambetov.
Dialog alańynyń búgingi otyrysyna ádettegidei Májilis depýtaty Saiasat Nurbek moderatorlyq etti.
Eske sala keteiik, «TALQYLAU» dialog alańyn qurý bastamasy «AMANAT» partiiasynyń 1 naýryzda ótken kezekten tys Sezinde partiialyq transformatsiia baǵdarlamasy tarmaqtarynyń biri retinde kóterilgen bolatyn. Alańda sarapshylar, depýtattar, memlekettik organdar men ÚEU ókilderi azamattardy tolǵandyratyn ózekti máselelerdi sheshý jónide usynystar ázirleý úshin turaqty túrde kezdesip otyrady.
Sýretti túsirgen Áli Ǵalym
