Bul úrdisten Qazaqstan da qalys qalyp otyrǵan joq. Joǵary tehnologiianyń qulaǵynda oinaityn tól mamandarǵa degen suranys jyl ótken saiyn artyp keledi dep habarlaidy Dalanews.kz.
Aqparattyq tehnologiia men IT salasynyń mamandaryna muhtajdyqtyń sebebi - jahandyq ekonomikadaǵy tendentsiiamen bailanysty. Damyǵan elder tsifrly tehnologiialardy kúndelikti ómirge túgeldei kiriktirýge tyrysýda.
Prezident Toqaevtyń joǵary bilikti IT kadrlar daiyndaý týraly tapsyrmasy Huawei Technologies Kazakhstan-nyń damý strategiiasymen úndes. Aqparattyq kommýnikatsiialyq infraqurylym men intellektýaldy quralǵylardy qurastyrý turǵysynda teńdessiz sanalatyn kompaniia osy iske atsalysýǵa ázir.
Joǵary bilikti qazaq mamandaryn daiarlaýdy maqsat tutqan Huawei Qazaqstanda Aqparattyq tehnologiialarǵa arnalǵan akamediialar ashýda.
Osynaý oqý oryndary atalǵan mamandyqty igerip jatqan stýdentterdiń kásibi biligin kóterýge kómektesip, kompaniiadaǵy baǵdarlamalyq jobalar men innovatsiialyq tehnologiialardy tanys etedi.
«Huawei-diń ózgelerden ereksheligi nede deseńiz, kompaniia aqparattyq tehnologiialar salasyndaǵy ǵylymi zertteýlerge qoldaý kórsetedi, budan syrt atalǵan salaǵa qajetti bilikti kadrlardy daiarlaýǵa qolǵabys etedi.
Biz otandyq oqý oryndarymen tehnologiiadaǵy tyń jańalyqtardan bólek osy baǵyttaǵy jyldar boiǵy jiyp-tergen bilim men tájiribemizdi bólisýge ázirmiz.
Qazaq stýdentterin oqytyp, toqytyp, olardan sapaly maman ázirleýge múddelimiz. Sonyń arqasynda Jańa Qazaqstannyń intellektýaldyq potentsialy eselenip, eldiń tsifrlyq bolashaǵy baiandy bolady», – deidi bas direktordyń apparat jetekshisi Farida Tóleýbaeva.
Huawei aqparattyq tehnologiialar akademiiasy – osynaý tehnologiianyń qyr-syryn meńgergisi keletin stýdentterdiń tereńdete bilim alýyna járdemdesetin, kompaniianyń álemdegi jetekshi oqý oryndarymen birlesip júzege asyratyn halyqaralyq áriptestik baǵdarlamasy.
Ázir mundai akamediialar álemniń 82 elinde tabysty jumys isteidi. Huawei akademiialary qalyptastyrǵan ekojúie oqý – aǵartý salasynda oiyp turyp oryn alǵan. Osy kúnge deiin atalǵan akademiialardy 125 myń maman támámdap, úlken ómirge jol aiaq basty.
Elimizdiń Ǵylym jáne Oqý – aǵartý ministrligimen áriptestik týraly memorandýmǵa qol qoiǵan Huawei kompaniiasy Qazaqstandaǵy tsifrlyq bilimniń kókjiegin keńeitýge úles qosyp, osy baǵyttaǵy akamediialardyń sanyn ulǵaitatyn bolady.
Búginge deiin Qazaqstanda Huawei-diń uiytqy bolýymen dál osyndai 25 akamediia ashyldy. Bulardy aiaqtap shyqqan kadrlar joǵary tehnologiialar salasyndaǵy moiyndalǵan mamandarǵa ainaldy.
Kompaniianyń bilim baǵdarlamasy elimizdiń irgeli oqý oryndary tarapynan qoldaý taýyp, ál-Farabi atyndaǵy QazUÝ, Eýraziialyq ýniversitet, IT University, Atyraýdaǵy Munai jáne gaz ýniversiteti jáne ózge de JOO-lar oqý ornynyń irgesinen akademiia ashýǵa kelisimin berdi. Taiaý bolashaqta elimizdegi Huawei akamediialarynyń sany 50-ge jetip, bularda bilim alatyn stýdentterdiń sany 5 myń adamnan asyp jyǵylatyn bolady.
«QazUÝ talantty jastardyń talabyn ushtaýǵa erekshe kóńil bóledi. Sonyń ishinde IT salasynyń orny alabóten. Oqytýshylar men stýdentter Huawei kompaniiasynyń qurylymdarynda ǵylymi is-tájiribeden ótip, kórgen-túigenin elimizdiń tsifrlyq potentsialyn arttyrýǵa baǵyttai alady.
Huawei-diń qoldaýymen aqparattyq tehnologiialar salasyndaǵy halyqaralyq baiqaýlarǵa qatysý stýdentterge qosymsha stimýl bolady», – deidi oqý ornynyń akademiialyq máseleler boiynsha prorektory Fátima Jaqypova.
Oqý baǵdarlamasy aiasynda oqytýshylar men stýdentter IT tehnologiialar, jasandy intellekt, Big Data, jelilik qaýipsizdik, marshrýtizatsiia, symsyz júie, málimetti saqtaý qoimalary, bultty tehnologiialardy damytý jáne ózge de tehnologiialyq baǵyttar boiynsha paidaly kýrstardy meńgeredi.
«Huawei akamediiasynyń stýdenti bolý kez-kelgenge buiyra bermeitin múmkindik. Qatarynan ozyp, daralanǵan jastarǵa akademiiany oqyp-taýysqannan keiin Huawei kompaniiasyna jumysqa turýǵa jaǵdai jasalady. Biz úshin budan artyq motivatsiia bar ma?! Akademiia qabyrǵasynda aqparattyq kommýnikatsiialyq jeliler men bularmen bailanysty zamanaýi standarttardy jáne olardyń qaýipsizdigin saqtaýdyń amal-tásilderin úirenemiz.
Kýrsty tańdaýǵa kelgende keńshilik jasalǵan, bolashaqta zor suranysqa ie bolatyn jasandy intellekt pen bultty tehnologiialardy tańdaýǵa bolady», – deidi osy oraida Almatydaǵy Energetika jáne bailanys ýniversitetiniń stýdenti Kemal Seidýáliev.
Kýrsty aiaqtaǵannan keiin stýdentter halyqaralyq úlgidegi sertifikat alý úshin emtihan tapsyra alady. Jahandyq deńgeide moiyndalǵan qujat jastarǵa el ishilik jáne sheteldik kompaniialarǵa esh qiyndyqsyz jumysqa ornalasýǵa jol ashady.
Huawei kompaniiasy Qazaqstandaǵy IT salasynyń órisin keńeitý úshin talantty kadrlardy kóptep «tárbielep», osy baǵytta elimizdegi barsha ýniversitettermen áriptesip jumys isteýge ázir.
https://dalanews.kz/news/84712-industrialandyru-kartasy-elimizde
