«Reseidegi vahta» degen atpen habarlandyrý jariialaǵan qostanailyq agenttik jumys suraýshylardyń kóp ekenin aitady.
Qazaqstandyqtardyń Mariýpolge jumysqa tartylyp jatqany týraly alǵash jýrnalist Luqpan Ahmediiarov jazdy. «Myńdaǵan máiittiń ústine úi salyp jatqan reseilikterge jumys isteý moralǵa qaishy» deidi. Onyń sózinshe, soǵys aimaǵyna attanyp jatqan qazaqtarǵa qaýip tónip tur.
"Sondai úlken aqshamen shaqyryp, qazaqtardy jailap-jailap myna soǵysqa qatystyrý, tartý… Olar, árine, Mariýpolge baryp, avtomat ustamaidy. Eshqandai qarý ustamaidy. Qurylys jumysymen ainalysady. Biraq Marýpolde júrgen ýkrain partizandary baiaǵyda-aq «Reseiden kelgen jaýynger men qurylysshylardy zańdy túrde nysanaǵa alamyz» degen. «Qurylysshylardy da jaýynger dep esepteimiz, solarmen de soǵysamyz» degen" dedi Ýkrainadaǵy qazaq jýrnalisi Luqpan Ahmediiarov.
Mariýpoldegi qurylysqa qazaqtardy tartyp jatqan agenttik ókili 11 qazaqstandyq búgin, 14 jeltoqsan kúni jolǵa shyǵatynyn jetkizdi. Azattyq tilshisimen telefon arqyly ǵana sóilesken ol «biz tek jumys taýyp beremiz, qaýipsizdigine reseilik kompaniialar jaýapty» dedi.
Olar tolyqqandy suhbat berýge kelispedi, daýsyn paidalanýǵa, aty-jónin ataýǵa da tyiym saldy. Jarnama habarlandyrýyna qaraǵanda, reseilikter shamamen 900 myń teńge ailyq tóleýge ýáde bergen.
Masa.media saity Mariýpolge jumysqa shaqyrǵan habarlandyrýlardy ReKadro, "Knopka" saittarynan da tapqan. Habarlandyrý ieleri "qalada TMD, onyń ishinde Qazaqstannan da kelgender baryn" aitqan.
Azattyq «Okkýpatsiialanǵan qalaǵa qazaqtardyń barýy qanshalyqty zańdy?» dep Ulttyq qaýipsizdik komitetine, Bas prokýratýra men Ishki ister ministrligine habarlasty. Olar bul týraly estimegenin aitty. Qazaqstannyń Ýkrainadaǵy elshisi de «elshilikke bul máselemen eshkim habarlaspaǵanyn» jetkizdi. Halyqaralyq quqyq sarapshysy «Mariýpolge jumysqa barý — Qazaqstan zańdaryna qaishy emes» deidi.
— Bul azamattyq quqyqqa jatady. Kez kelgen azamattyń erkin júrip-turý quqyǵy qoldanylady, adam quqyǵy turǵysynan qarar bolsaq. Al Qazaqstannyńmindeti — shetelde, Ýkraina territoriiasynda júrgen óz azamattarynyń bas amandyǵyn qamtamasyz etý. Iaǵni, olar keńes beredi Ýkrainaǵa kelmeýge. Biraq kelmeńder dep aita almaidy soǵys kezeńi bolsa da, – deidi halyqaralyq quqyq sarapshysy Áigerim Qusaiynqyzy.
Mariýpoldi Resei biyl mamyrda basyp alǵan. Ol – orys áskeriniń eń aýyr soqqysyna ushyraǵan qalalardyń biri. Resmi Kiev dereginshe, keminde 25 myń adam oqqa ushqan. Jeti myńǵa jýyq kisi úiindi astynda ólgen. Júzdegen myń turǵyn bosyp ketti. Ýkraina prezidenti sózinshe, basqynshylar shabýylynan Mariýpoldiń 95 paiyzy qirap qalǵan. Resei biligi shildede qalany qalypqa keltirýge kiriskenin habarlaǵan.
Qazaqstan Mariýpolge azamattary attanyp jatqan Ortalyq Aziiadaǵy jalǵyz el emes. Qazan aiynda Azattyqtyń Tájik qyzmeti Resei basyp alǵan qalaǵa tájik migranttaryn attandyryp jatqanyn habarlaǵan. Eki aidan soń, jeltoqsanda migranttar reseilik qurylys kompaniialary ýáde etilgen eńbekaqynyń jartysyn ǵana tólep jatqanyna shaǵynǵan.
https://dalanews.kz/del-qazir/84640-25-akademiia-ashylady-huawei-zhanga-qazaqstanga
https://dalanews.kz/news/84675-tomengi-zhalaqyny-anyqtau-preziden
