اقپارات قۇرالدارى ارقىلى ءدىنتانۋشىلار، يسلامنىڭ تاريحىن، وزەگىن، قاعيداتتارىن جاقسى بىلەتىن ماماندار، گۋمانيست عالىمدار تىزە قوسىپ، بۇل ءورتتىڭ تۇپكى شىعۋ تەگىن حالىققا تۇسىندىرگەندەرى ءجون.[/caption]
سوڭعى ونشاقتى جىلدىڭ كولەمىندە يسلام ەلدەرىن حاوس جايلاي باستادى. ءبىز قىسقارتىپ ايتىپ وتىرمىز. يسلام الەمىن جايلاعان جەگى قۇرتتىڭ ءومىر سۇرگەنىنە بىرنەشە عاسىر وتكەنىن ايتۋشىلار كوپ. ءبىر كەزدەرى يسلام فيلوسوفياسى وركەندەپ، عىلىم مەن بىلىمگە قۇشتارلىق ارتىپ، باتىستى پاراساتىمەن ءتانتى ەتكەن وركەنيەتتىڭ تىعىرىققا تىرەلگەنىنە سەنۋ قيىن. «بىزگە نە بولدى؟» دەگەن سۇراقتى ءوز وزىنە قانشا قويعانىمەن، جاۋابىن تابا الار ەمەس.
يسلام ەلدەرىندەگى الاۋىزدىق، ءدىني توپتاردىڭ كيكىلجىڭى، ءارتۇرلى اعىمدار اراسىنداعى بىتىسپەس جاۋلىق ۋاقىت وتكەن سايىن قىزىپ كەلەدى. سىرتتان ماي قۇيۋشىلاردىڭ وتتى لاۋلاتا ءتۇسىپ، وزدەرى ىستىعىنا قول جىلىتىپ وتىرعانىن دا بايقايسىز. ءبىراق، نەگە سونىڭ الدىن الا الماي وتىر؟ نەگە يسلام ەلدەرىنىڭ ورتاق مامىلەمەسى جوق؟ نەگە يسلام اتىن جامىلعان توپتار لاڭكەستىك جاساۋعا ءۇيىر؟ مۇنىڭ مىڭداعان سەبەبى بار. ءبىرىنىڭ شەشىمىن تاپسا، ەكىنشىسى شيەلەنىسە تۇسەدى. شىرماۋىقشا شاتىلعان بۇل قاۋىپتەن قۇتىلار كۇن جاقىن ۋاقتا بولا قويمايتىن سەكىلدى. سونىڭ ءبىر كورىنىسى، وزدەرىنە «يسلام مەملەكەتى» دەگەن ات قويىپ، يراكتىڭ ءىرى قالالارىن مەنشىگىنە العان، سيريانىڭ بىرنەشە شاھارىن وزدەرىنە قاراتقان لاڭكەستىك ۇيىم. بۇلاردا مۇسىلماندىق سيپاتتىڭ بىردە ءبىرى جوق. بالانى دا، كارىنى دە ايامايدى، الدىنا تۇرعاننىڭ ءبارىن اتىپ-شاۋىپ، اسىپ، ءولتىرىپ كەلەدى. مىڭداعان ادامداردى قىرىپ، ءجۇز مىڭداعان حالىقتى بوسقىندارعا اينالدىردى. ايتاتىندارى باتىسقا قارسى جيھاد جاساۋ، يسلام دەرجاۆاسىن قۇرۋ. ءبىراق ىزگىلىگى، يمانى جوق توپ مەملەكەت باسقارا الا ما؟ و زاماندا بۇ زامان، يسلام مۇنداي سوراقى ارەكەتتى قولداعان ەمەس. قولدامايدى دا. باتىس پەن شىعىس اراسىنداعى تەكەتىرەستىڭ دەنى ءدىنارالىق قاقتىعىستان تۋىنداعان بولاتىن. قازىردە سونداي ءۇردىس بايقالادى. «يسلام مەملەكەتىنىڭ» ويى مۇلدەم باسقادا سەكىلدى. ولار تۇتاس يسلام الەمىن حاوسقا اينالدىرۋدى كوزدەيتىندەي. اراب الەمىندەگى بىرنەشە توڭكەرىستىڭ سوڭى وسىعان الىپ كەلدى. باتىس ەلدەرى شىعىسقا دەموكراتيالىق قۇندىلىقتارىن تاڭباقشى بولعانىمەن، ودان تۇسەر قىرۋار قارجىنى دا ەسەپكە العانىمەن، ءدال بۇلاي ۋشىعارىن ويلاماسا كەرەك. سەبەبى، بۇل ءورتتىڭ ءبىر شەتى ەۋروپانى دا شارپىماي تۇرمايدى. ساددام حۇسەيىن كەتكەنىمەن، ونىڭ ورنىنا مىڭداعان ساددامدار پايدا بولدى. بەن لادەن جوق، ەندى تۇتاس «مەملەكەت» بار. ەڭ ءقاۋىپتىسى، بۇل توپقا ەنگەندەردىڭ گەوگرافيالىق اۋماعى وتە ۇلكەن. ءار ەلدەن، ءار جەردەن قوسىلعان قىرىق قۇراۋ جانكەشتىلەر. ەۋروپانىڭ وزىنەن وسى جيھادقا اتتانعانداردىڭ سانى ەداۋىر. سيريانىڭ بوسقىندارى تۇركياعا اعىلۋدا. يراكتىڭ تۇرعىندارى يران، كۋۆەيت، تاعى باسقا ەلدەرگە باس ساۋعالاپ كەتكەن. ەۋروپا ەلدەرىنە قونىس تەپكەن ارابتار ونسىزدا كوپ، ەندى ودان دا كوبەيۋى ىقتيمال. بۇل الەۋمەتتىك، ءدىني، ساياسي شيەلەنىستى ارتتىرماسا، باسەڭدەتپەيدى.
«يسلام مەملەكەتىنىڭ» ويى مۇلدەم باسقادا سەكىلدى. ولار تۇتاس يسلام الەمىن حاوسقا اينالدىرۋدى كوزدەيتىندەي. اراب الەمىندەگى بىرنەشە توڭكەرىستىڭ سوڭى وسىعان الىپ كەلدى. باتىس ەلدەرى شىعىسقا دەموكراتيالىق قۇندىلىقتارىن تاڭباقشى بولعانىمەن، ودان تۇسەر قىرۋار قارجىنى دا ەسەپكە العانىمەن، ءدال بۇلاي ۋشىعارىن ويلاماسا كەرەك
[caption id="attachment_8283" align="alignright" width="424"]
ساددام حۇسەيىن كەتكەنىمەن، ونىڭ ورنىنا مىڭداعان ساددامدار پايدا بولدى. بەن لادەن جوق، ەندى تۇتاس «مەملەكەت» بار.[/caption]
ايتپاقشى، بۇل سوعىسقا اتتانعان ورتالىق ازيالىق جانكەشتىلەر دە جەتەرلىك. بىلتىر سيرياعا كەتكەن قازاقستاندىقتىڭ تاعدىرى نە بولعانى بەلگىسىز. جۋىردا وزبەكستاندىق يسلام قوزعالىستارى اتالمىش ۇيىمعا بەت بۇرعانى تۋرالى اقپارات شىقتى. قىرعىزستاندىقتاردىڭ ىشىندە دە وسى مايدانعا اتتانعانداردىڭ بارلىعى ءمالىم بولدى. تاجىكستان ونسىز دا وت پەن وققا جاقىن... دەمەك، يسلام الەمىن جايلاعان حاوستان ەرتەرەك ساقتانعان ابزال. ول ءۇشىن ەڭ الدىمەن اقپارات قۇرالدارى ارقىلى ءدىنتانۋشىلار، يسلامنىڭ تاريحىن، وزەگىن، قاعيداتتارىن جاقسى بىلەتىن ماماندار، گۋمانيست عالىمدار ورتاق ۋاجبەن تىزە قوسىپ، بۇل ءورتتىڭ تۇپكى شىعۋ تەگىن جيىرەك حالىققا تۇسىندىرگەندەرى ءجون. مەملەكەت، ءدىن ىستەرى اگەنتتىگى، قازاقستان مۇسىلماندارى ءدىني باسقارماسى بۇل شارانى ەرتەرەك قولعا العاندارى قۇبا-قۇپ. ايتپەسە، ينتەرنەتتىك رەسۋرستاردى ءوز ماقساتتارىنا جۇمساۋدى جەتىك مەڭگەرگەن توپتىڭ شىرعاسىنا تۇسەتىن جاستاردىڭ بولماسىنا كىم كەپىل؟! جاستار سيريا مايدانىندا وققا ۇشپاۋى ءۇشىن، ەل ءىشىن بۇلىك جايلاماۋى ءۇشىن بۇل اسا قاجەتتى شارا بولماقشى.
ناسىر باقسەرىك
