قازاقستاننىڭ ۆيسە-پرەمەرى – ۇلتتىق ەكونوميكا ءمينيسترى سەرىك جۇمانعارين اقش كونگرەسسمەندەرىمەن كەزدەستى، دەپ حابارلايدى Dalanews.kz.
كونگرەسسمەن، بيۋدجەت جانە سالىق كوميتەتىنىڭ مۇشەسى، "قازاقستان – اقش" كوكۋسىنىڭ تەڭ ءتوراعاسى دجيممي پانەتتامەن كەلىسسوزدەر بارىسىندا تاراپتار ەكىجاقتى ساۋدا مەن ەكونوميكالىق ىنتىماقتاستىقتى دامىتۋ ماسەلەسىن تالقىلادى.
سەرىك جۇمانعارين كونگرەسسمەنگە دجەكسون-ۆەنيك تۇزەتۋىنىڭ كۇشىن جويۋ تۋرالى ماسەلەنى ىلگەرىلەتۋدە قازاقستاندى قولداعانى ءۇشىن العىس ءبىلدىرىپ، بۇل ماسەلەنى اقش كونگرەسىندە تەزىرەك رەتتەۋگە ءۇمىت ءبىلدىردى.
سونىمەن قاتار، قازاقستاننىڭ ۆيسە-پرەمەرى بيۋدجەت جانە سالىق كوميتەتىنىڭ مۇشەسى، كونگرەسسمەن توماس سۋوززيمەن كەزدەسۋدە دە دجەكسون-ۆەنيك تۇزەتۋىن جويۋ تۋرالى ماسەلەنى تالقىلادى. ايتا كەتۋ كەرەك، كەزدەسۋلەردە بارلىق كونگرەسسمەن قازاقستانعا وسى باعىتتا قولداۋ كورسەتۋگە دايىن ەكەنىن راستاعان.
