پۋتين الماتىداعى 100 جاستاعى موناح ەيەلدٸ «دوستىق» وردەنٸمەن ماراپاتتادى, دەپ حابارلايدى Dalanews.kz.
رەسەي پرەزيدەنتٸ ۆلاديمير پۋتين الماتىداعى يۆەرسكو-سەرافيم موناستىرٸنٸڭ تۇرعىنى, سحيموناحينيا يرينا ليۋبيتسكايانى «دوستىق» وردەنٸمەن ماراپاتتادى.
ماراپات رەسەيدٸڭ تاريحي-مەدەني مۇراسىن قازاقستان اۋماعىندا ساقتاۋ مەن ناسيحاتتاۋعا قوسقان ٷلەسٸ ٷشٸن تابىستالدى.
بيىل سەۋٸر ايىندا, 100 جىلدىق مەرەيتويىنا وراي, موناح ەيەلگە رەسەي پراۆوسلاۆ شٸركەۋٸنٸڭ ەڭ جوعارى ەيەلدەر وردەنٸ – قاسيەتتٸ كنياگينيا ولگانىڭ I دەرەجەلٸ وردەنٸ بەرٸلگەن بولاتىن.
سحيموناحينيا يرينا ورىنبور وبلىسىندا دٷنيەگە كەلگەن. سوعىس جىلدارى تەجٸكستانداعى ەۆاكۋاتسييالىق گوسپيتالداردا جۇمىس ٸستەگەن. 1947 جىلدان 1981 جىلعا دەيٸن الماتىداعى جەدەل جەردەم ستانتسيياسىندا فەلدشەر بولىپ قىزمەت اتقارعان.