Путин Алматыдағы 100 жастағы монах әйелді «Достық» орденімен марапаттады, деп хабарлайды Dalanews.kz.
Ресей президенті Владимир Путин Алматыдағы Иверско-Серафим монастырінің тұрғыны, схимонахиня Ирина Любицкаяны «Достық» орденімен марапаттады.
Марапат Ресейдің тарихи-мәдени мұрасын Қазақстан аумағында сақтау мен насихаттауға қосқан үлесі үшін табысталды.
Биыл сәуір айында, 100 жылдық мерейтойына орай, монах әйелге Ресей православ шіркеуінің ең жоғары әйелдер ордені – қасиетті княгиня Ольганың I дәрежелі ордені берілген болатын.
Схимонахиня Ирина Орынбор облысында дүниеге келген. Соғыс жылдары Тәжікстандағы эвакуациялық госпитальдарда жұмыс істеген. 1947 жылдан 1981 жылға дейін Алматыдағы жедел жәрдем станциясында фельдшер болып қызмет атқарған.
