كوميسسيا وتىرىسىنا ق ر پرەزيدەنتى اكىمشىلىگى باسشىسىنىڭ ورىنباسارى و.ورازالين، تۇركىستان وبلىسىنىڭ اكىمى ج.تۇيمەبايەۆ، ۇلتتىق ەكونوميكا ۆيسە-مينيسترى ا.جۇماعۇلوۆ، اۋىل شارۋاشىلىعى ءمينيسترىنىڭ ورىنباسارى ە.نىسانبايەۆ، ءبىلىم جانە عىلىم ۆيسە-مينيسترى ب.اسىلوۆا، ىشكى ىستەر ءمينيسترىنىڭ ورىنباسارى ە.بيسەنقۇلوۆ، ەنەرگەتيكا ۆيسە-مينيسترى م.مىرزاعالييەۆ، ينۆەستيسيالار جانە دامۋ ۆيسە-مينيسترى ق.وسكەنبايەۆ، دەنساۋلىق ساقتاۋ ءمينيسترىنىڭ ورىنباسارى و.ابىشيەۆ، مادەنيەت جانە سپورت ءمينيسترىنىڭ ورىنباسارى ە.قوجاعاپانوۆ، قارجى ۆيسە-مينيسترى ق.باەدىلوۆ، مەمل-ەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى ا.شايموۆا، پرەزيدەنتى اكىمشىلىگىنىڭ مەملەكەتتىك ينسپەكتورى م.يماندوسوۆ قاتىستى.
ەلباسى جارلىعىنا ساي وبلىس ورتالىعىن تۇركىستانعا كوشىرۋ جۇمىستارىن جوسپارعا ساي جۇزەگە اسىرۋ ءۇشىن ارنايى شتاب قۇرىلعانىن ايتقان وبلىس اكىمى ج.تۇيمەبايەۆ اتالعان تاپسىرمالاردى ءساتتى ورىنداۋ ءۇشىن ۇكىمەت دەڭگەيىندە شەشۋدى قاجەت ەتەتىن ءبىرقاتار ماسەلەلەرگە توقتالىپ ءوتتى.
– تۇركىستان قالاسىن اۋىز سۋمەن، گازبەن، جىلۋمەن، ەلەكتر قۋاتىمەن قامتۋ، سونىمەن قاتار كارىز جۇيەسىنىڭ قۇرىلىسى جوبالارى مەن تۇركىستان جانە كەنتاۋ قالالارىندا كوپقاباتتى تۇرعىن ۇيلەردىڭ قۇرىلىسىن سالۋ، ينفراقۇرىلىمىن دامىتۋعا جانە تۋريزم يندۋسترياسىنا باسىمدىق بەرىلۋ قاجەت. رۋحاني قالاعا زيارات ەتۋ ءۇشىن جىلىنا 1 ميلليوننان استام ادام كەلەدى. ونىڭ ىشىندە 160 مىڭدايى شەتەلدىكتەر. وسى ورايدا، وبلىستىڭ تۋريستىك پوتەنسيالىن تولىق ىسكە اسىرىلۋىن قامتاماسىز ەتۋ ماقساتىندا، تۇركىستان قالاسىندا حالىقارالىق اۋەجاي مەن تۇركىستان-شىمكەنت، تۇركىستان-تاشكەنت جۇردەك پوەزدىن اشۋ دا ماڭىزدى. جاقىن شەتەلدەرمەن تۋريستىك بايلانىستى نىعايتۋ ءۇشىن حالىقارالىق اۆتوۆوكزال قۇرىلىسىن قاراستىرۋدى دا ءجون دەپ سانايمىز. سونىمەن قاتار 8-10 ايدا نەگىزگى اكىمدىك عيماراتتارىن اياقتاپ، وعان دەيىن مەملەكەتتىك قىزمەتكەرلەردىڭ باسپانا جالداۋ جايىن مەملەكەت ەسەبىنەن شەشۋ ماسەلەسىن ۇسىنامىن. قىسقا مەرزىمدە كوپقاباتتى تۇرعىن ۇيلەردى سالۋعا ەلىمىزدەگى ەڭ ءىرى قۇرىلىس كومپانيالارى قىزىعۋشىلىق تانىتىپ وتىر. بۇگىندە كوشىرۋ شىعىندارى مەن قاجەتتى عيماراتتار مەن باسپانا جانە وزگە دە ماسەلەلەر تولىعىمەن ەسەپتەلىپ وتىر. ينفراقۇرىلىمدىق جانە ترانسپورتتىق-لوگيستيكالىق جۇيەلەر زەرتتەلدى. تۇركىستان ەلىمىزدىڭ باتىس وڭىرلەرىن كوكونىسپەن، ازىق-تۇلىكپەن قامتاماسىز ەتەتىن ورتالىققا اينالعان. ەندى بۇل ءتيىمدى باعىتتا جاڭا دەڭگەيدە دامىتۋدى قولعا الۋدى قاراستىرامىز. سەبەبى تۇركىستاندا اۋىل شارۋاشىلىعىن دامىتۋعا كليماتتىق جاعداي وتە ىڭعايلى. ەلىمىزدى، اسىرەسە باتىس ايماقتاردىڭ كوكونىسكە دەگەن سۇرانىسىن قامتاماسىز ەتۋ ءۇشىن جۇمىستار بارىنشا كۇشەيتىلەتىن بولادى. تۇركىستان وبلىسىنىڭ جاڭادان قۇرىلۋىنا بايلانىستى وسىنداي ەرەكشەلىكتەردى قامتىي وتىرىپ، ءوڭىردىڭ الەۋمەتتىك-ەكونوميكالىق دامۋ كورسەتكىشتەرىن قايتا قاراستىرۋىمىز قاجەت، – دەدى ج.تۇيمەبايەۆ.
كونە شاھار تۇركىستاننىڭ وبلىس ورتالىعى مارتەبەسىن الۋى ۇلكەن جاۋاپكەرشىلىك پەن مىندەتتى جۇكتەپ وتىرعانىن ايتقان قالا اكىمى ءا.وسەربايەۆ قالانىڭ دامۋ ديناميكاسى مەن لوگيستيكالىق مۇمكىندىگىن ارتتىرۋ جانە ينفراقۇرىلىمىن جەتىلدىرۋ قاجەتتىلىگى تۋىنداپ وتىرعانىن جەتكىزدى.
«بۇگىندە قالا تۇرعىندارىنىڭ 94 پايىزى ورتالىقتاندىرىلعان تازا اۋىز سۋ جۇيەسىمەن قامتاماسىز ەتىلگەن. الايدا وبلىس ورتالىعى بولۋىنا بايلانىستى، قالا حالقىنىڭ سانى 250 مىڭعا دەيىن وسكەن جاعدايدا قاجەتتى سۋ كولەمى تاۋلىگىنە 50 مىڭ كۋبتى قۇرايدى. كەلەشەكتە قالانى تولىققاندى اۋىز سۋمەن قامتاماسىز ەتۋ ءۇشىن جاڭا سۋ قويمالارى سالىنۋ قاجەت. بۇگىنگى تاڭدا قالا حالقىنىڭ 26،4 پايىزى كوگىلدىر وتىنمەن قامتىلعان بولسا، ءتيىستى قارجى بولىنگەن جاعدايدا 2019 جىلدىڭ سوڭىندا تۇرعىنداردى تولىعىمەن گازبەن قامتىلادى. ال قالامىزداعى جالپى ۇزىندىعى 23 شاقىرىمدى قۇرايتىن باستى كوشەلەرىندە كەپتەلىستەر ورىن الۋى مۇمكىن. سوندىقتان دا الداعى ۋاقىتتا كوشەلەردىڭ ەنىن 12-18 مەترگە دەيىن كەڭەيتۋ قاجەتتىلى تۋىنداۋدا. بۇدان بولەك، رەسپۋبليكالىق ماڭىزى بار «باتىس ەۆروپا-باتىس جۇڭگو» ءدالىزى قالانىڭ ورتاسىنان وتكەندىكتەن قالا تۇرعىندارى مەن قوناقتارىنىڭ جولدا ءجۇرۋ قاۋىپسىزدىگىن قامتاسىز ەتۋگە كەرى اسەرىن تيگىزۋدە. وسى رەتتە، قالا ىشىندە ورنالاسقان 18 شاقىرىم رەسپۋبليكالىق ماڭىزى بار جولدى قالا سىرتىنا كوشىرۋ قاجەت»،-دەدى ءا.وسەربايەۆ.
وتىرىستا ءسوز العان ق ر ينۆەستيسيالار جانە دامۋ ۆيسە-مينيسترى ق.وسكەنبايەۆ تۇركىستان قالاسىن دامىتۋ بويىنشا جاسالىناتىن جاڭا باس جوسپاردى 2 كەزەڭ بويىنشا جۇزەگە اسىرۋدى ۇسىندى.
«ءبىرىنشىسى تۇركى الەمىنىڭ مادەني رۋحاني ورتالىعى جانە تۇركىستان وبلىسىنىڭ ورتالىعى رەتىندە تۇركىستان قالاسىنىڭ باس جوسپارى تۇجىرىمداماسىن ۇزدىك نۇسقاسىنا حالىقارالىق كونكۋرس ۇيىمداستىرىلاتىنىن بولادى. سونداي-اق، استانا قالاسىنىڭ سالۋ تاجىريبەسىن ەسكەرە وتىرىپ، قالانىڭ تۇجىرىمداماسىن تەحنيكالىق تاپسىرماسى مەن باس جوسپارىن ازىرلەۋ ءۇشىن استانا باس جوسپارىن تارتۋدى نەمەسە تۇركىستان قالاسىندا فيليالىن قۇرۋدى ۇسىنامىن. ەكىنشى كەزەڭدە قابىلدانعان 2050 جىلعا دەيىنگى تۇجىرىمدامانى ەسكەرە وتىرىپ قالانى دامىتۋدىڭ ەگجەي-تەگجەيلى ۇسىنىستارى قامتىلعان باس جوسپاردى ازىرلەۋگە كىرىسۋ. باس جوسپاردى ءساتتى ازىرلەۋ ءۇشىن وبلىس ورتالىعى رەتىندە تۇركىستان قالاسىن دامىتۋدىڭ جول كارتاسىن ازىرلەنگەن جوباسىنا سايكەس بارلىق مۇددەلى مەملەكەتتىك ورگانداردىڭ بەلسەندى قاتىسۋى قاجەت»،-دەدى ق.وسكەنبايەۆ.
تۇركىستان قالاسىنىڭ دامۋى بويىنشا كەشەندى شارالار قابىلداۋ مىندەتى تۇرعانىن ايتقان ق ر ۇلتتىق ەكونوميكا ۆيسە-مينيسترى ا.جۇماعۇلوۆ جالپى ەكونوميكالىق كورسەتكىشتەر بويىنشا وبلىستى قايتا قاراۋ كەرەك ەكەنىنە توقتالدى.
ونىڭ ايتۋىنشا، جان باسىنا شاققانداعى جالپى وڭىرلىك ءونىم بويىنشا بۇگىنگى كۇندەگى كورسەتكىش 1 ملن تەڭگەنىڭ توڭىرەگىندە ەكەن. بۇل كورسەتكىش رەسپۋبليكا بويىنشا ەڭ تومەنگى كورسەتكىش دەپ ايتساق بولادى. سول سەبەپتى جالپى ەكونوميكا بويىنشا كەشەندى جۇمىستار قارقىندى ءجۇرۋ كەرەك ەكەنى كورسەتىلىپ وتىر دەدى.
جيىندى قورىتىندىلاعان ق ر پرەمەر-مينيسترىنىڭ ءبىرىنشى ورىنباسارى اسقار مامين جوعارىدا بايانداماشىلاردىڭ كوتەرگەن ماسەلەلەرى نازارعا الىناتىنىن ايتىپ، ەلباسى تاپسىرماسىن ءتيىستى دەڭگەيدە ورىنداۋ ءۇشىن بار كۇش-جىگەردى سالۋدى تاپسىردى. سونىمەن قوسا ءتيىستى جوسپار جاساپ، ۇسىنىس ەنگىزۋدى سالا جەتەكشىلەرىنە جۇكتەدى.
تۇركىستان وبلىسى اكىمىنىڭ باسپا ءسوز قىزمەتى
