اقش پەن كاناداداعى بٸرنەشە ەۋەجايدىڭ جٷيەسٸن حاكەرلەر بۇزىپ كٸرٸپ, ٸشكٸ داۋىس زورايتقىشتار ارقىلى پالەستينالىق حاماس قوزعالىسىن ماداقتاپ, اقش پەن يزرايل باسشىلارىن تٸلدەگەن اۋديوجازبالاردى قوسقان. بۇل تۋرالى CNN تەلەارناسى حابارلادى, دەپ مەلٸمدەيدٸ Dalanews.kz.
سەيسەنبٸ كٷنٸ سولتٷستٸك امەريكانىڭ تٶرت ەۋەجايىنداعى تەرمينالداردا داۋىس زورايتقىش جٷيەلەرٸ ارقىلى رۇقسات ەتٸلمەگەن, پالەستينانى قولدايتىن ساياسي مازمۇنداعى حابارلامالار تاراتىلعان. وندا حاماس قوزعالىسى ماداقتالىپ, اقش پرەزيدەنتٸ دونالد ترامپ پەن يزرايل پرەمەر- مينيسترٸ بينيامين نەتانياحۋ سىنعا الىنعان. بۇل جاعداي ەۋەجايلاردىڭ جۇمىسىنا كەرٸ ەسەر ەتٸپ, ىقتيمال حاكەرلٸك شابۋىلدارعا بايلانىستى تەرگەۋ جٷرگٸزٸلۋٸنە سەبەپ بولدى, - دەپ حابارلايدى تەلەارنا.
وقيعالار بريتاندىق كولۋمبييا پروۆينتسيياسىنداعى كەلوۋنا مەن ۆيكتورييا حالىقارالىق ەۋەجايلارىندا, ونتاريوداعى ۆيندزور ەۋەجايىندا, سونداي- اق اقش- تىڭ پەنسيلۆانييا شتاتىنداعى گارريسبەرگ ەۋەجايىندا ورىن العانى اتاپ ٶتٸلدٸ.
