– داستۇرگە اينالعان اقپارات سالاسى قىزمەتكەرلەرىنىڭ كاسىبي مەرەكەسى قوعامدا ۇلكەن مارتەبەگە يە. بۇقارالىق اقپارات قۇرالدارى – حالىق پەن بيلىكتىڭ اراسىنداعى التىن كوپىر. سىزدەر پرەزيدەنتىمىزدىڭ جاسامپاز يدەيالارىنىڭ توڭىرەگىنە قوعامدى توپتاستىرۋ، ۇلتتى ۇيىستىرۋعا زور ۇلەس قوسىپ كەلەسىزدەر. دەمەك، قانداي دا ءبىر اقپارات كوزىنىڭ ءسوزى - قوعامدىق پىكىر قالىپتاستىرۋدىڭ تەمىرقازىعى ىسپەتتى. سوندىقتان دا ءاربىر ءسوزدى، وقيعانى تاراتۋدا شىنايىلىق پەن ادالدىق قاعيدالارىن ساقتاۋ بارىنشا ماڭىزدى دەپ بىلەمىن. ەسەلى ەڭبەكتەرىڭىز اقتالىپ، الداعى ماقساتتارعا جەتۋ جولىنداعى جاڭا بيىكتەر مەن شىڭداردان كورىنە بەرىڭىزدەر! – دەدى جانسەيىت قانسەيىت ۇلى.
سونداي-اق، وبلىس باسشىسى ب ا ق سالاسىندا ەڭبەگى سىڭگەن ارداگەرلەردى «وبلىسقا سىڭىرگەن ەڭبەگى ءۇشىن» مەدالىمەن، سالا ۇزدىكتەرىن وبلىس اكىمىنىڭ گراموتاسىمەن جانە العىس حاتتارىمەن ماراپاتتادى.
بۇدان وزگە، مەرەكەلىك شارادا سالاداعى ۇزدىك ۇجىمدار مەن جۋرناليستەر انىقتالدى. بيىل وبلىستاعى ءداستۇرلى «ۇزدىك تەلەارنا» نوميناسياسىن - «Ontustik» جانە «ايعاق» تەلەارنالارى جەڭىپ الدى. ال «ەڭ ۇزدىك ايماق ءتىلشىسى» اتالىمى – «جاس الاش» گازەتىنىڭ مەنشىكتى ءتىلشىسى باقىتجان ءداۋىتوۆ پەن «كازاقپارات» اقپاراتتىق اگەنتتىگىنىڭ ءتىلشىسى اينۇر اقبايەۆاعا بۇيىردى. ءداستۇرلى «ۇزدىك باسىلىم» نوميناسياسىن – «رەيتينگ» گازەتى يەلەندى. سونداي-اق، تەلەجۋرناليستيكا سالاسىنداعى «التىن ميكروفون» نوميناسياسى – ارداق جاقسىلىقوۆا لايىق دەپ تانىلدى. مەرزىمدى باسىلىم جۋرناليستەرىنە ارنالعان «التىن قاۋىرسىن» سىيلىعى ايدار قۇلجانوۆقا بۇيىردى. ال «ۇزدىك اۋداندىق، قالالىق باسىلىم» نوميناسياسىندا تۇلكىباس اۋداندىق «شامشىراق» گازەتى جەڭىمپاز اتاندى.
سونىمەن قاتار، سالتاناتتى كەشتە ب ا ق قىزمەتكەرلەرى وبلىس ءماسليحاتىنىڭ، «نۇر وتان» پارتياسى وقو فيليالىنىڭ گراموتالىرىمەن جانە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ العىس حاتتارىمەن، ق ر جۋرناليستەر وداعى وبلىستىق فيليالىنىڭ ارنايى سىيلىقتارىمەن ماراپاتتالدى. بۇدان وزگە، «وڭتۇستىك ءونىمى» بايقاۋىنىڭ جەڭىمپازدارى انىقتالىپ، جۇلدەلەر تاپسىرىلدى. كەش سوڭى كونسەرتتىك باعدارلاماعا ۇلاستى.
