– Dástúrge ainalǵan aqparat salasy qyzmetkerleriniń kásibi merekesi qoǵamda úlken mártebege ie. Buqaralyq aqparat quraldary – halyq pen biliktiń arasyndaǵy altyn kópir. Sizder Prezidentimizdiń jasampaz ideialarynyń tóńiregine qoǵamdy toptastyrý, ultty uiystyrýǵa zor úles qosyp kelesizder. Demek, qandai da bir aqparat kóziniń sózi - qoǵamdyq pikir qalyptastyrýdyń temirqazyǵy ispetti. Sondyqtan da árbir sózdi, oqiǵany taratýda shynaiylyq pen adaldyq qaǵidalaryn saqtaý barynsha mańyzdy dep bilemin. Eseli eńbekterińiz aqtalyp, aldaǵy maqsattarǵa jetý jolyndaǵy jańa biikter men shyńdardan kórine berińizder! – dedi Janseiit Qanseiituly.
Budan ózge, merekelik sharada saladaǵy úzdik ujymdar men jýrnalister anyqtaldy. Biyl oblystaǵy dástúrli «Úzdik telearna» nominatsiiasyn - «Ontustik» jáne «Aiǵaq» telearnalary jeńip aldy. Al «Eń úzdik aimaq tilshisi» atalymy – «Jas Alash» gazetiniń menshikti tilshisi Baqytjan Dáýitov pen «KazAqparat» aqparattyq agenttiginiń tilshisi Ainur Aqbaevaǵa buiyrdy. Dástúrli «Úzdik basylym» nominatsiiasyn – «Reiting» gazeti ielendi. Sondai-aq, telejýrnalistika salasyndaǵy «Altyn mikrofon» nominatsiiasy – Ardaq Jaqsylyqova laiyq dep tanyldy. Merzimdi basylym jýrnalisterine arnalǵan «Altyn qaýyrsyn» syilyǵy Aidar Quljanovqa buiyrdy. Al «Úzdik aýdandyq, qalalyq basylym» nominatsiiasynda Túlkibas aýdandyq «Shamshyraq» gazeti jeńimpaz atandy.
Sonymen qatar, saltanatty keshte BAQ qyzmetkerleri Oblys máslihatynyń, «Nur Otan» partiiasy OQO filialynyń Gramotalyrymen jáne QR Memlekettik qyzmet isteri jáne sybailas jemqorlyqqa qarsy is-qimyl Agenttiginiń Túrkistan oblysy boiynsha departamentiniń Alǵys hattarymen, QR Jýrnalister Odaǵy oblystyq filialynyń arnaiy syilyqtarymen marapattaldy. Budan ózge, «Ońtústik ónimi» baiqaýynyń jeńimpazdary anyqtalyp, júldeler tapsyryldy. Kesh sońy kontserttik baǵdarlamaǵa ulasty.
