تٷركٸستان وبلىسىندا 5 مىڭعا جۋىق تٷلەك ۇبت-دان 100 بالدان جوعارى جيناعان
تەستٸلەۋدٸڭ بەس كٷنگٸ قورىتىندىسى بويىنشا – 20508 وقۋشى ۇبت تاپسىرسا, ەڭ جوعارى 138 بالدى 3 وقۋشى, 137 بالدى 5 وقۋشى, 136 بالدى 9 وقۋشى جيناعان.بۇل تۋرالى وبلىستىق بٸلٸم باسقارماسى مەلٸم ەتتٸ.
ولاردىڭ ايتۋىنشا, 4843 تٷلەك 100 بالدان جوعارى جيناعان. جالپى تەستٸلەۋدٸڭ قورىتىندىسىمەن وبلىستىڭ ورتا بالى – 79,4 بالدى قۇراپ وتىر.
بۇدان بٶلەك, ۇبت ەرەجەسٸن بۇزعانى ٷشٸن 4 وقۋشى اۋديتورييادان شىعارىلىپ, تەستٸلەۋ نەتيجەسٸ جويىلدى دەيدٸ ۆەدومستۆا ٶكٸلدٸكتەرٸ.
تەستٸلەۋگە كٸرگٸزۋ كەزٸندە ۇبت قاعيدا تالاپتارىنىڭ بۇزىلۋى ورىن العان جوق, بارلىق بٸتٸرۋشٸلەر ارنايى رامالى مەتالٸزدەگٸشتەر ارقىلى ٶتكٸزٸلٸپ, ۇيالى تەلەفوندارى الىنعان.
ايتا كەتەيٸك, وبلىس بويىنشا 2017-2018 وقۋ جىلىندا 11 سىنىپتى 33765 وقۋشى بٸتٸرسە, ونىڭ ٸشٸندە 22417-سٸ ۇبت تاپسىرۋعا ٶتٸنٸش بەرگەن.
26-ماۋسىم كٷنٸ 2 اۋداندا 48 مەكتەپتەن 1317 بٸتٸرۋشٸ ۇبت تاپسىراتىن بولادى. ولار: ماقتارال, سارىاعاش اۋداندارى.
