تۇلكىباس اۋداندىق مادەنيەت ۇيىندە جەرلەسىمىز، دۇنيەجۇزى قازاقتار قاۋىمداستىعى ءتوراعاسىنىڭ ورىنباسارى  زاۋىتبەك تۇرىسبەكوۆ ارنايى اۋدانعا ات باسىن بۇرىپ، تۇرعىندارمەن كەزدەستى. كەزدەسۋ شىمىلدىعىن اۋدان اكىمى نۇربول تۇراشبەكوۆ العىسوزبەن اشتى.

– ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جانە اۋدانىمىزدىڭ قۇرىلعانىنا 90 جىل تولۋىنا وراي، جىل باسىنان بەرى ءتۇرلى مادەني ىس-شارالارمەن قاتارعالىم مەكەمتاس مىرزاحمەت ۇلى، جازۋشى مارحابات بايعۇت سىندى عالىم، جازۋشى اعالارىمىزبەن كەزدەسۋ كەشتەرى ۇيىمداستىرىلسا، بۇگىن مىنە اسىل ازامات، ىسكەر باسشى جەرلەسىمىز زاۋىتبەك قاۋىسبەك ۇلىنىڭ  مۇرىندىق بولۋىمەن شەت ەلدەگى وتانداستارىمىز جايلى  تۇسىرىلگەن «الىستاعى اعايىن» اتتى دەرەكتى ءفيلمىن تاماشالاپ وتىرمىز. وسى ورايدا ايتا كەتەتىن جايت زاۋىتبەك قاۋىسبەك ۇلىنىڭ اتسالىسۋىمەن تاشكەنت قالاسىندا  تولە بي بابامىزدىڭ ەسكەرتكىشى قايتا جوندەلسە، ماسكەۋدە جەرلەسىمىز تۇرار رىسقۇلوۆتىڭ ەسكەرتكىش تاقتاسى اشىلعان بولاتىن، – دەدى نۇربول ءابدىساتتار ۇلى. زاۋىتبەك قاۋىسبەكۇلىنا اۋدانعا ارنايى كەلىپ، تۇرعىندارمەن كەزدەسۋگە التىن ۋاقىتىن بولگەنى ءۇشىن العىسىن ءبىلدىرىپ، تۇلكىباس اۋدانىنىڭ 90 جىلدىق توسبەلگىسىن تابىستادى.

سونىمەن قاتار كەزدەسۋ بارىسىندا زاۋىتبەك قاۋىسبەك ۇلىنىڭ ۇيىتقى بولۋىمەن تۇسىرىلگەن «الىستاعى اعايىن» اتتى قيىن قىستاۋ زاماندا تۇركيا ەلىنە قونىس اۋدارعان قازاق اعايىندار تۋرالى دەرەكتى ءفيلمىنىڭ تۇساۋكەسەرى ءوتتى. وسى ماقساتتى بۇگىنگى كورسەتىلىپ وتىرعان دەرەكتى فيلم كەزىندە قازاق حالقى ءۇشىن وتە ءناۋبات جىلدار بولعان ياعني اشارشىلىق كەزىندە تارىداي  شاشىراعان قازاق حالقىنىڭ تاعدىر تاۋقىمەتى باياندالادى. بولاشاق ۇرپاعىنىڭ اماندىعى ءۇشىن باس ساۋعالاعان قازاق حالقى كورشىلەس جۇڭگو، تۇركيا، ءۇندىستان، اۋعانستان، پاكىستان تاعى باسقا دا مەملەكەتتەرگە قونىس اۋداردى. بۇگىنگى دەرەكتى فيلمدە بەينەلەگەن كەيىپكەرىمىز العاشقى كەزدە  جۇڭگو جانە ءۇندىستان ەلىندە بولىپ، ءتۇرلى قيىندىقتاردى باسىنان كەشەدى. كوش كەزىندە كورشى مەملەكەتتەردە اشارشىلىققا، سۋىققا توزە الماعان وتانداستارىمىزدىڭ ءبىرى جول بويىندا قازا تاپسا، ءبىرى كورشى مەملەكەتتە دۇنيە سالعانى باياندالادى. الايدا ءتىلى بولەك بولعانمەن جۇرەگى ءبىر، ءتۇبى ءبىر  تۇركيا ەلى قۇشاق جايا قارسى الىپ، فيلمدە كوپ كومەكتەر كورسەتىلگەنى ايتىلادى. بۇگىندە تۇركيا ەلىندە 20 مىڭعا جۋىق قازاقتار ءومىر سۇرۋدە.

كەزدەسۋ سوڭىندا ءسوز العان زاۋىتبەك قاۋىسبەك ۇلى تۋىپ وسكەن ولكەسىنە كەلىپ، جەرلەستەرىمەن كەزدەسىپ ايرىقشا قۋانىشقا بولەنگەنىن جەتكىزىپ، دۇنيەجۇزى قازاقتار قاۋىمداستىعىنىڭ اتقارىپ جاتقان جۇمىستارىنا توقتالىپ ءوتتى. ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ اياسىندا شەت ەلدەرگە قونىس اۋدارعان اعايىندارمەن تىعىز بايلىنىستا جۇرگىزىلىپ جاتقان جۇمىستاردى ايتتى. كەزدەسۋگە كەلگەن اۋدان تۇرعىندارى  زاۋىتبەك قاۋىسبەك ۇلىنىڭ  قىزمەت بارىسىندا جۇرگىزگەن تاريحي زەرتتەۋلەرىن زەيىن قويىپ تىنداپ، ءوز تاراپتارىنان ىستىق لەبىزدەرىن ءبىلدىردى.

 

باقىتجان يمانبايەۆ