ءبىر اپتاعا سوزىلاتىن تانىمى مەن بەرەرى مول ەكسپەديسياعا جولدامانى مەكتەپتىڭ ۇزدىك وقۋشىلارى ۇتىپ الدى.
«تۋعان ەلگە تاعزىم» ولكەتانۋ جانە عىلىمي-زەرتتەۋ ەكسپەديسياسى NISء-تىڭ باستى ميسسياسى– وقۋشىلاردىڭ اكادەميالىق جانە عىلىمي جوبالىق ىس-ارەكەتتەرىن بىرىكتىرۋدى جۇزەگە اسىرۋعا ارنالعان بىرەگەي ەكسپەريمەنتالدى الاڭ. الماتىلىق زياتكەرلەر ەكسپەديسيانىڭ بارىسىندا ءوڭىردىڭ كورنەكتى جەرلەرىن ارالاپ قانا قويماي، عىلىمي جوبالار پورتفوليولارىن قۇندى اقپاراتتارمەن، زەرتتەۋلەرمەن تولىقتىرادى.
تۇرگەن شاتقالىنا بارعان ساياحات اشىق اسپان استىنداعى مۇراجايمەن جالعاسىپ ءوڭىردىڭ تاريح قويناۋىندا جاتقان سىرعا تولى قۇپيالارى زياتكەرلەردى جاڭا زەرتتەۋلىك جوبالارعا شابىتتاندىردى.
– ەسىك مۇراجاي-قورىعى تاريحىمىز جايلى كوپ اقپارات الىپ، مۇراجايدىڭ باستى ەكسپوناتى “التىن ادامدى” تاماشالادىق. ىشىندە ساق داۋىرىندە ءومىر سۇرگەن ادامداردىڭ تۇرمىستا قولدانعان زاتتارىمەن، اشەكەي-بۇيىمدارىمەن تانىستىق. مۇراجايعا بارۋ ماقساتىمىز - تاريحىمىزعا تەرەڭىرەك ءۇڭىلۋ بولدى، – دەپ اڭگىمەلەدى NIS وقۋشىسى قوسان ارلان.
تۇرگەن شاتقالىنىڭ ايگىلى ايۋلى سارقىراماسىنىڭ باسىندا وقۋشىلار عىلىمي جوبالارىنىڭ تاقىرىبىن تاڭداپ، جۇمىستارىن باستاپ كەتتى.
– سارقىراماعا بارار جولدىڭ جاعدايىنا قاراپ، “ەكوتۋريزم” تاقىرىبىندا موبيلدىك قوسىمشانى ازىرلەۋ وي كەلدى. ياعني، عىلىمي جوبامىزدىڭ ماقساتى - قازاقستانداعى ەكوتۋريزمدى دامىتۋ جولدارىن قاراستىرۋ بولىپ تابىلادى،– – دەپ قوستى ارلان.
“تۋعان ەلگە تاعزىم” ولكەتانۋ-زەرتتەۋلىك ەكسپەديسياسىنىڭ 4ء-شى كۇنىندە زياتكەرلەر ىلە الاتاۋدىڭ ءىنجۋ مارجانى، تابيعاتتىڭ كەرەمەت بۇرىشى كولساي وڭىرىنە جول تارتتى. بيولوگيا ءپانى ءمۇعالىمى مەيرامبەك مۇتالحانوۆ، حيميا ءپانى ءمۇعالىمى گۇلميرا المابەكوۆا، گەوگرافيا ءپانى ءمۇعالىمى نويان بەرەكەنىڭ جەتەكشىلىگىمەن وقۋشىلار ىلە-الاتاۋدىڭ ءىنجۋ-مارجانى تۇزەلگەن تاريحى، وسىمدىكتەر مەن جانۋارلار الەمى تۋرالى ءتۇرلى زەرتتەۋلەرىن وسى جەردە جالعاستىردى.
زياتكەرلەر تابيعات اياسىندا جەتەكشى گۇلميرا المابەكوۆانىڭ باستاۋىمەن حيميانىڭ قىر-سىرلارىن تاجىريبە ارقىلى مەڭگەردى.
وقۋشىلاردىڭ پورتفوليلورىنا ءقولساي كولدەرى، سۋ قايناۋىنىڭ ەرەكشىلەكتەرى، كەرمەكتىگىنە ارنالعان جوبالار كىردى.
جىلدا نازاربايەۆ زياتكەرلىك مەكتەپتەرىندە جازدىق جورىققا شىعاتىن ەكسپەديسيانىڭ ىزىمەن وقۋشىلار شامامەن جيىرماعا جۋىق جاڭا جوبالاردى باستاپ، زەرتتەۋ جۇرگىزىپ، سول جۇمىستارىمەن رەسپۋبليكالىق دەڭگەيدە ءتۇرلى عىلىمي جوبالار بايقاۋىنا قاتىسىپ جاڭالىقتار اشۋدا.
