كەشە قاسىم-جومارت توقايەۆت تۇركياعا رەسمي ساپارمەن باردى. قاسىم-جومارت توقايەۆتى انكارا قالاسىنىڭ "ەسەنبوعا" اۋەجايىندا تۇركيا پرەزيدەنتى رەجەپ تاييپ ەردوعان قارسى الدى. بۇگىن مەملەكەتتەر باسشىلارى قازاق-تۇرىك ستراتەگيالىق سەرىكتەستىگىن ودان ءارى نىعايتۋ پەرسپەكتيۆاسىن تالقىلاپ، كەلىسسوز جۇرگىزەدى. بۇل كەلىسسوزدەن نە كۇتىلەدى؟ ساراپشى تارقاتتى، دەپ حابارلايدى Dalanews.kz.
كەشە اۋەجايدا باۋىرلاس ەكى ەلدىڭ پرەزيدەنتتەرى از-كەم اڭگىمەلەستى. بۇل تۋرالى اقوردا حابارلادى.
"قوناقجايلىق تانىتقانىڭىزعا كوپ راقمەت. اۋەجايعا كەلىپ، مەنى قارسى الدىڭىز. بۇل مەن ءۇشىن ۇلكەن قۇرمەت. ءبىزدىڭ ارامىزدا ەشقانداي تۇيتكىل جوق. ءبىزدى تەك تۋىستىق، ىنتىماقتاستىق بايلانىستىرادى. ەرتەڭ ماڭىزدى ساپار بولادى. ساپاردىڭ باعدارلاماسى وتە مازمۇندى. ونى تولىق ىسكە اسىرامىز دەپ ويلايمىن"، – دەدى قاسىم-جومارت توقايەۆ.
ساياساتتانۋشى اسحات قاسەنعالي جەلىدەگى پاراقشاسىندا تۇركيا پرەزيدەنتىنىڭ مەملەكەت باسشىسىن ارنايى قارسى الۋى بەكەر ەمەس ەكەنىن ايتتى.
"پرەزيدەنت تۇركياعا باردى. اۋەجايدان ەردوعاننىڭ ءوزى قارسى الىپتى. بۇل ساپاردىڭ جوعارى مانگە يە ەكەندىگىن بىلدىرسە كەرەك. ەردوعان بۇل ساپارعا ءوزى شاقىرعان بولاتىن. پرەزيدەنت بىلاي دەيدى: "قوناقجايلىق تانىتقانىڭىزعا كوپ راقمەت. اۋەجايعا كەلىپ، مەنى قارسى الدىڭىز. بۇل مەن ءۇشىن ۇلكەن قۇرمەت. ءبىزدىڭ ارامىزدا ەشقانداي تۇيتكىل جوق. ءبىزدى تەك تۋىستىق، ىنتىماقتاستىق بايلانىستىرادى. ەرتەڭ ماڭىزدى ساپار بولادى. ساپاردىڭ باعدارلاماسى وتە مازمۇندى. ونى تولىق ىسكە اسىرامىز دەپ ويلايمىن". 29-شىلدە كۇنى قازاقستان مەن تۇركيا باسشىلارى قازاق-تۇرىك ستراتەگيالىق سەرىكتەستىگىن ودان ءارى نىعايتۋ پەرسپەكتيۆاسىن تالقىلاپ، كەلىسسوز جۇرگىزەدى"، - دەدى ساراپشى.
سونداي-اق، ول بۇل كەزدەسۋلەردەن نە كۇتىلەتىنىن ايتتى.
"سوڭعى اپتادا ىستامبۇلداعى قارۋ-جاراق كورمەسىن قاراپ وتىردىم. تۇركيا وتە جاقسى جەتىستىكتەرگە جەتكەن. كورمەدە بايقالدى. كەلىسسوزدەر بارىسىندا قورعانىس سالاسىنا قاتىستى دا اڭگىمەلەر ايتىلار دەپ وتىرمىن"، - دەدى ول.
