شەمونايحا اۋدانىندا سۋ قۇبىرى جەلىلەرىن سالۋ بويىنشا اۋقىمدى جوبا جۇزەگە اسىرىلۋدا. جوبالاۋ-سمەتالىق قۇجاتتاما 2023 جىلى «ALPHA GRAPHICS» ج ش س تاراپىنان ازىرلەنىپ، جوبانىڭ جالپى قۇنى 552،4 ملن تەڭگەنى قۇرادى.
جوبادا ۇزىندىعى 17،1 شاقىرىم بولاتىن سۋ قۇبىرى جەلىلەرىن تارتۋ، جاڭا (رەزەرۆتىك) سۋ الاتىن ۇڭعىما بۇرعىلاۋ، ەكى ءبىرىنشى كوتەرگىش جانە ءبىر ەكىنشى كوتەرگىش سورعى ستانسياسى بار سۋ تارتۋ الاڭىن سالۋ، سونداي-اق ءارقايسىسىنىڭ سىيىمدىلىعى 75 م³ بولاتىن ەكى تازا سۋ رەزەرۆۋارىن تۇرعىزۋ كوزدەلگەن.
2024 جىلدىڭ باسىنان باستاپ جوبا ىسكە اسىرۋ كەزەڭىنە ءوتتى. باس مەردىگەر – «Sem ARTA Stroy» ج ش س. وتكەن جىلى وبلىستىق بيۋدجەتتەن 71 ملن تەڭگە ءبولىنىپ، تولىق يگەرىلدى. 2025 جىلى جوباعا تولىق قارجىلاندىرۋ قاراستىرىلدى: رەسپۋبليكالىق بيۋدجەتتەن 200 ملن تەڭگە جانە ارنايى مەملەكەتتىك قوردان 242،2 ملن تەڭگە ءبولىندى.
قازىرگى ۋاقىتتا جوبادا قاراستىرىلعان 17،1 شاقىرىمنىڭ 12 شاقىرىمى توسەلىپ، 86 قۇدىقتىڭ 46-سى ورناتىلدى. سۋ الۋ ۇڭعىماسىن بۇرعىلاۋ جۇمىستارى اياقتالۋعا جاقىن، ال سورعى ستانسيالارىندا جەر قازۋ جانە ىرگەتاس قۇيۋ جۇمىستارى باستالدى.
قۇرىلىس الاڭىندا 26 جۇمىسشى مەن 6 ارنايى تەحنيكا (ساموسۆالدار، ەكسكاۆاتورلار، مانيپۋلياتورلار جانە تيەگىش) جۇمىلدىرىلعان. قۇرىلىس-مونتاج جۇمىستارىنىڭ ورىندالۋ دەڭگەيى – 40%. جوبانى اياقتاۋ 2025 جىلدىڭ قازان ايىنا جوسپارلانعان.
اتالعان جوبانىڭ ىسكە اسىرىلۋى ۇلكەن وزەن اۋىلىنداعى 355 تۇرعىندى ساپالى اۋىز سۋمەن قامتاماسىز ەتۋگە مۇمكىندىك بەرەدى جانە قازاقستان رەسپۋبليكاسى پرەزيدەنتىنىڭ ەل حالقىن 100% تازا اۋىز سۋمەن قامتۋ جونىندەگى تاپسىرماسىن ورىنداۋعا باعىتتالعان ماڭىزدى قادام بولىپ تابىلادى.
