بولاشاق جوعارى وقۋ ورنى وقىتۋشىلارىنىڭ كاسىبي قۇزىرەتتىلىگى بۇگىنگى تاڭدا وزەكتى جانە وقىتۋشى تۇلعاسىن قالىپتاستىرۋدا تەوريا مەن تاجىريبەنىڭ بىرلىگى ماڭىزدى ماسەلەلەردىڭ ءبىرى. ءال-فارابي اتىنداعى قازاق ۇلتتىق ۋنيۆەرسيتەتىندە بۇل ماسەلەگە ەرەكشە جاۋاپكەرشىلىكپەن، كەشەندى امال تۇرعىسىنان قارايدى. اتاپ ايتساق، تەوريالىق ءبىلىم مەن پەداگوگيكالىق تاجىريبەنىڭ بىرلىگىن، بولاشاق مامانداردىڭ كىسىلىك كەلبەتىنىڭ قالىپتاسۋىن عىلىمي-ادىستەمەلىك تۇرعىدا قامتاماسىز ەتەدى. سونىڭ ىشىندە، عىلىمي-پەداگوگيكالىق تاجىريبەنىڭ ءوز دەڭگەيىندە ۇيىمداستىرىلىپ، كۇتىلگەن ناتيجەگە قول جەتكىزىلۋىن باستى نازاردا ۇستايدى.
1-كۋرس دوكتورانتتارىنىڭ پەداگوگيكالىق تاجىريبەسى 10 اپتانى قامتيدى. وسى ارالىقتا دوكتورانتتاردىڭ جوو وقىتۋشىسى جانە عالىم رەتىندە قالىپتاسۋىنا، پەداگوگيكالىق داعدىلارى مەن پاندىك قۇزىرەتتىلىكتەرىن دامىتۋمەن قاتار ولاردىڭ يننوۆاسيالىق ءبىلىم مەن تىڭ عىلىمي ىزدەنىستەرگە ۇمتىلىپ، مامان رەتىندە قالىپتاسۋ ءۇردىسىنىڭ ناتيجەلى بولۋى ءۇشىن ۋنيۆەرسيتەتتىڭ بىرنەشە كافەدراسىنىڭ وقىتۋشى-پروفەسسورلار قۇرامى جۇمىلا اتسالىسۋدا. «ىنتىماقتىڭ ءتۇبى – يگىلىك، تىرلىك ءتۇبى – بىرلىك» دەمەكشى، بۇل – ۋنيۆەرسيتەت كافەدرالارىنىڭ ناتيجەگە باعدارلانعان ءوزارا پەداگوگيكالىق ىنتىماقتاستىعىنىڭ ءبىر عانا كورىنىسى.
اتالمىش تاجىريبە بارىسىندا فيلولوگيا فاكۋلتەتىنىڭ «ادەبيەتتانۋ»، «قازاق ءتىلى مەن ادەبيەتى»، «قازاق فيلولوگياسى»، «لينگۆيستيكا»، «شەتەل فيلولوگياسى (باتىس تىلدەرى)»، «اۋدارما ءىسى (باتىس تىلدەرى)»، «شەتەل ءتىلى: ەكى شەتەل ءتىلى»، «فيلولوگيا»، «لينگۆيستيكا»، «يننوۆاسيالىق ادەبيەتتانۋ» ماماندىقتارىنىڭ دوكتورانتتارى بۇۇ 17-تۇراقتى دامۋ ماقساتتارى اياسىندا راديوەلەكترونيكا جانە بايلانىس اسكەري-ينجەنەرلىك ينستيتۋتى، الماتى قالاسىنىڭ №4، №94 مەكتەپ-گيمنازياسى، «الگوريفم» فيزيكا-ماتەماتيكالىق ليسەيى، «Greenwich» ءبىلىم بەرۋ ورتالىعى، ورلەۋ كاسىبي دامۋ ينستيتۋتى، م.و. اۋەزوۆ اتىنداعى ادەبيەت جانە ونەر ينستيتۋتى مەن ا. بايتۇرسىن ۇلى اتىنداعى ءتىل ءبىلىمى ينستيتۋتى جانە ورتالىق كىتاپحانالار بازالارىندا «XXI عاسىر داعدىلارى»، «ۇزدىكسىز ءبىلىم الۋ – ءومىر بويى دامۋ»، «ساپالى ءبىلىم بەرۋ: بولاشاققا ينۆەستيسيا»، «جاۋاپتى تۇتىنۋ جانە ءوندىرىس باعىتى»، «ساپالى ءبىلىم الۋ ۇيرەنۋدەن باستالادى»، «اباي مۇراسى – رۋحاني قۇندىلىق»، «قاھار» رومانىنداعى تاريحي جانە ادەبي قۇندىلىق»، «قازاق پارەميولوگيالىق قورىنىڭ قالىپتاسۋى»، «ۇزدىك لينگۆيست»، «ارۋلارعا جاراسادى ەركەلىك» جانە ت.س.س. وزەكتى تاقىرىپتاردا ءتۇرلى فورماتتا اشىق تاربيە ساعاتتارى وتكىزىلدى. بۇل ءىس-شارالار ستۋدەنتتەر مەن ماگيسترانتتاردىڭ، قاتىسۋشى جۇرتشىلىقتىڭ سۇرانىسىنا سايكەس شىعارماشىلىق حاكاتون، زياتكەرلىك بايقاۋ، ترەنينگ، شەبەرلىك سىنىبى، ادەبي-سازدى كەش، اقىن-جازۋشىلارمەن تانىمدىق-شىعارماشىلىق كەزدەسۋ كەشى، ت.ب. ينتەربەلسەندى فورمادا وتۋىمەن ەرەكشە ىقىلاسپەن قابىلدانىپ، بەرەرى مول بولدى. پەداگوگيكالىق پراكتيكا جوسپارىنا سايكەس اتالمىش اشىق تاربيە ساعاتتارىمەن قاتار بولاشاق وقىتۋشىلار اشىق دارىستەر، سەمينار ساباقتارى جانە اپتا سايىن كۋراتورلىق ساعاتتار وتكىزۋ ارقىلى وزدەرىنىڭ تەوريالىق ءبىلىمىن تاجىريبەدە تەكسەرىپ، شەبەرلىگىن شىڭدادى. ءاربىر ءىس-شارانى عىلىمي جەتەكشى، ادىسكەر-پەداگوگ، پراكتيكا جەتەكشىسى جانە پسيحولوگ مامانمەن بىرلەسكەن تالقىلاۋلار ناتيجەلەرى پەداگوگيكالىق تاجىريبەنىڭ بولاشاق ماماننىڭ كاسىبي قۇزىرەتتىلىگىن دامىتۋدا بەرەرى مول ەكەندىگىن دالەلدەي ءتۇستى.
دوكتورانتتارعا شارالاردى جوسپارلاپ وتكىزۋدە ۇزدىكسىز عىلىمي-ادىستەمەلىك كەڭەستەر بەرۋ، كاسىبي جانە تۇلعالىق قاسيەتتەرىن دامىتۋدى، ستۋدەنتتەرمەن قارىم-قاتىناس ستيلدەرىن مەڭگەرۋدى ادىستەمەلىك جاعىنان قولداۋدا پەداگوگيكا جانە ءبىلىم بەرۋ مەنەدجمەنتى، جالپى جانە قولدانبالى پسيحولوگيا كافەدرالارىنىڭ، دوكتورانتتاردىڭ عىلىمي جەتەكشىلەرىنىڭ، فيلولوگيا فاكۋلتەتى كافەدرالارىنداعى تاجىريبە جەتەكشىلەرىنىڭ ۇزدىكسىز ادىستەمەلىك سۇيەمەلدەۋىنىڭ ىقپالى وراسان زور بولدى.
ءىس-شارالاردىڭ باسىم كوپشىلىگى ۋنيۆەرسيتەتتەن تىس مەكەمەلەردىڭ بازالارىندا وتكەندىكتەن، اتالمىش پەداگوگيكالىق تاجىريبە كاسىپتىك باعدار جۇمىستارىنىڭ دا ءرولىن اتقارىپ، ۇلتتىق ۋنيۆەرسيتەتىمىزدىڭ جەتىستىكتەرىمەن جۇرتشىلىقتى تاعى ءبىر تانىستىردى. سول سەبەپتەن تاربيە ساعاتتارىنا قاتىسۋشىلار تاراپىنان بەلسەندى قىزىعۋشىلىق پەن شەكسىز ريزاشىلىق تانىتۋمەن قاتار مەكتەپ، كوللەدجدەر تۇلەكتەرىنىڭ تاراپىنان وقۋعا ءتۇسۋ بويىنشا قىزىعۋشىلىق ارتسا، مەكەمە باسشىلارى ءوزارا ىنتىماقتاستىقتى كۇشەيتۋگە نيەت ءبىلدىردى. بۇل ادامگەرشىلىك جانە تاربيەلىك قۇندىلىقتاردى، ءبىلىم مەن عىلىمداعى جاڭا ىزدەنىستەردى، قوعامدىق ءماندى ماسەلەلەردى قامتي وتىرىپ، پەداگوگيكالىق تاجىريبەنى كاسىبي شەبەرلىكپەن، ۇتىمدى ءارى باعدارلى بىلىكتىلىكپەن ۇيىمداستىرعان كاسىبي ماماندار مەن دوكتورانتتاردىڭ تالماس ەڭبەگىنىڭ زور ناتيجەسى دەپ ەسەپتەيمىز.
قازۇۋ – قاشان دا مارتەبەلى وقىتۋشىلار مەن ىزدەنىمپاز عالىمداردى تاربيەلەيتىن قارا شاڭىراق ەكەنى ءسوزسىز. سوندىقتان ساپالى ءبىلىم مەن ناتيجەلى عىلىمنىڭ التىن ورداسى – ۋنيۆەرسيتەتىمىزدە ءوتىپ جاتقان پەداگوگيكالىق تاجىريبە ناتيجەلەرى دوكتورانتتار ءۇشىن عانا ەمەس، ءوزارا جۇمىلا ەڭبەك ەتىپ جاتقان بىرنەشە كافەدرانىڭ وقىتۋشىلارى مەن كورنەكتى عالىمدارى، سونىمەن قاتار بارلىق قاتىسۋشىلار ءۇشىن ۇلكەن جەتىستىك، مول تاجىريبە بولدى دەسەك ارتىق ايتقاندىق ەمەس. الداعى ۋاقىتتا دا وسى باعىتتا ءالى دە ماڭىزدى ءىس-شارالارىمىز جالعاسا بەرەرى ءسوزسىز.
ب.ي. يمانبەكوۆا،
ءال-فارابي اتىنداعى قازۇۋ پەداگوگيكا جانە
ءبىلىم بەرۋ مەنەدجمەنتى كافەدراسىنىڭ دوسەنتى، پ.ع.ك.
ا.م. كەنجەقوجايەۆا،
فيلولوگيا فاكۋلتەتىنىڭ 1-كۋرس دوكتورانتى
