الماتى وبلىسىندا Telegram ارقىلى الاياقتىقپەن اينالىسقان قىلمىستىق سحەمانىڭ ۇيىمداستىرۋشىسى مەن تٶرت قاتىسۋشىسى ۇستالدى, - دەپ حابارلايدى Dalanews.kz.
تەرگەۋ بارىسىندا ۇستالعان كۋراتور 2024 جىلعى ماۋسىمنان باستاپ 50-دەن اسا دروپتى (بانك كارتالارىن ٶز اتىنا نەمەسە باسقا ادامداردىڭ اتىنا رەسٸمدەگەن تۇلعالاردى) باسقارعانى انىقتالدى. وسى شوتتار ارقىلى 1000-نان اسا قارجىلىق وپەراتسييا جٷرگٸزٸلٸپ, جالپى سوماسى 580 ميلليون تەڭگەدەن اسقان. ەربٸر ترانزاكتسييادان كۋراتور 6% كوميسسييا الىپ, جالپى تابىسى 35 ميلليون تەڭگەدەن اسقان.
"دروپتارعا قاتىستى قىلمىستىق ٸستەر ەلدٸڭ بٸرنەشە ٶڭٸرٸندە, سونىڭ ٸشٸندە الماتى وبلىسىنىڭ قاراساي جەنە ەڭبەكشٸقازاق اۋداندارىندا, سونداي-اق, الماتى, شىمكەنت, قىزىلوردا قالالارىندا جەنە ماڭعىستاۋ وبلىسىندا تەرگەلٸپ جاتىر", - دەدٸ پوليتسييا.
ايتا كەتەيٸك, كۋراتور Telegram ارقىلى "وڭاي اقشا تابۋ" تۋرالى حابارلاندىرۋلار جارييالاپ, دروپتاردى تارتۋمەن اينالىسقان. ول ادامداردى بانك كارتالارىن ٶز اتىنا نەمەسە باسقا تۇلعالاردىڭ اتىنا رەسٸمدەۋگە كٶندٸرگەن. الاياقتار كارتالارعا قول جەتكٸزگەننەن كەيٸن ولاردى جەبٸرلەنۋشٸلەردەن الاياقتىق جولمەن العان اقشانى اۋدارۋ جەنە ٸزٸن جاسىرۋ ٷشٸن پايدالانعان. تٷسكەن اقشا تەز ارادا قولما-قول شەشٸلٸپ, كريپتوۆاليۋتاعا اۋدارىلىپ نەمەسە باسقا ەسەپشوتتارعا تاراتىلىپ وتىرعان.
كۋراتور ەربٸر ترانزاكتسييادان 6% پايدا كٶرسە, دروپتارعا از عانا سىياقى تٶلەنگەن, ال نەگٸزگٸ تابىس قىلمىستىق سحەمانى ۇيىمداستىرۋشىلارعا كەتكەن. نەتيجەسٸندە دروپتاردىڭ كارتالارى زاڭسىز وپەراتسييالارعا قولدانىلعان, ال كۋراتور مەن ۇيىمداستىرۋشىلار جاسىرىن ەرەكەت ەتكەن.
"قازٸر كٷدٸكتٸلەر پوليتسيياعا جەتكٸزٸلدٸ, تەرگەۋ جٷرگٸزٸلٸپ جاتىر. كۋراتور ۋاقىتشا ۇستاۋ يزولياتورىنا قامالدى", – دەدٸ ۆەدومستۆو ٶكٸلٸ.
قۇقىق قورعاۋ ورگاندارى ازاماتتاردى ساق بولۋعا جەنە بانك دەرەكتەرٸن بٶگدە ادامدارعا بەرمەۋگە شاقىرادى.
