Almaty oblysynda Telegram arqyly alaiaqtyqpen ainalysqan qylmystyq shemanyń uiymdastyrýshysy men tórt qatysýshysy ustaldy, - dep habarlaidy Dalanews.kz.
Tergeý barysynda ustalǵan kýrator 2024 jylǵy maýsymnan bastap 50-den asa dropty (bank kartalaryn óz atyna nemese basqa adamdardyń atyna rásimdegen tulǵalardy) basqarǵany anyqtaldy. Osy shottar arqyly 1000-nan asa qarjylyq operatsiia júrgizilip, jalpy somasy 580 million teńgeden asqan. Árbir tranzaktsiiadan kýrator 6% komissiia alyp, jalpy tabysy 35 million teńgeden asqan.
"Droptarǵa qatysty qylmystyq ister eldiń birneshe óńirinde, sonyń ishinde Almaty oblysynyń Qarasai jáne Eńbekshiqazaq aýdandarynda, sondai-aq, Almaty, Shymkent, Qyzylorda qalalarynda jáne Mańǵystaý oblysynda tergelip jatyr", - dedi politsiia.
Aita keteiik, kýrator Telegram arqyly "ońai aqsha tabý" týraly habarlandyrýlar jariialap, droptardy tartýmen ainalysqan. Ol adamdardy bank kartalaryn óz atyna nemese basqa tulǵalardyń atyna rásimdeýge kóndirgen. Alaiaqtar kartalarǵa qol jetkizgennen keiin olardy jábirlenýshilerden alaiaqtyq jolmen alǵan aqshany aýdarý jáne izin jasyrý úshin paidalanǵan. Túsken aqsha tez arada qolma-qol sheshilip, kriptovaliýtaǵa aýdarylyp nemese basqa esepshottarǵa taratylyp otyrǵan.
Kýrator árbir tranzaktsiiadan 6% paida kórse, droptarǵa az ǵana syiaqy tólengen, al negizgi tabys qylmystyq shemany uiymdastyrýshylarǵa ketken. Nátijesinde droptardyń kartalary zańsyz operatsiialarǵa qoldanylǵan, al kýrator men uiymdastyrýshylar jasyryn áreket etken.
"Qazir kúdiktiler politsiiaǵa jetkizildi, tergeý júrgizilip jatyr. Kýrator ýaqytsha ustaý izoliatoryna qamaldy", – dedi vedomstvo ókili.
Quqyq qorǵaý organdary azamattardy saq bolýǵa jáne bank derekterin bógde adamdarǵa bermeýge shaqyrady.
