ناۋقاس قاراساي اۋدانىنىڭ تۇرعىنى. ول 18 اقپان مەن 17 ناۋرىز ارالىعىندا مەككەدە، ساۋد ارابياسىندا بولعان. ازامات ستامبۋل ارقىلى بىشكەككە تۇراقتاپ، كەيىن جەڭىل كولىكپەن وڭتۇستىك استاناعا قايتقان.
الماتى وبلىسىنىڭ تۋماسى 20 ناۋرىزىدا ساعات 10.45-تە دەنە قىزۋىنىڭ كوتەرىلۋى، سۋىق تيۋ بەلگىلەرىمەن قىرعاۋىل كەنتىندەگى دارىگەرلىك امبۋلاتورياعا شاعىمىن ايتىپ كەلگەن. نەگىزگى جۇمىس جاساۋ تارتىبىنە سايكەس، ساعات 11.30-دا ارنايى سىرتقى كيىم كيگەن جەدەل جاردەم توبى ناۋقاستى قاراساي اۋداندىق اۋرۋحاناسىنىڭ جۇقپالى اۋرۋلار ءبولىمىنىڭ بوكسىنا جەتكىزگەن. قازىرگى تاڭدا كلينيكالىق-دياگنوستيكالىق قاجەتتى زەرتتەۋلەر جۇرگىزىلىپ، سيمپتوماتيكالىق ەمدەۋ شارالارى باستالعان.
ارىزىن ايتقان تۇلعادان ۆيرۋسولوگيالىق تالداۋمەن، باستاپقى سىناما الىنعان. قويىلعان دياگنوزدى راستاۋ ءۇشىن بارلىق اناليزدەر الماتى قالاسىندا ورنالاسقان ۇلتتىق رەفەرانس زەرتحاناسىنا جىبەرىلگەن.
بۇدان بولەك، كوروناۆيرۋسقا قاتىستى ەنگىزىلگەن ەرەجەدە كورسەتىلگەندەي ونىمەن بايلانىسقا تۇسكەن بارلىق ادامدار پروۆيزورلىق بولىمشەگە جاتقىزىلدى. بەلگىلى بولعانداي، قاسكەلەڭدىك تۇرعىنمەن 11 جەكە تۇلعا قارىم-قاتىناس ورناتىپتى. بۇگىنگى كۇنى الماتى وبلىسى COVID-19 دەرتىنەن ساقتانۋ ءۇشىن بارلىق شارالاردى كۇشەيتۋدە. وسىعان وراي تالدىقورعان قالاسىنىڭ اينالاسىندا تاۋلىك بويى ىستەيتىن 4 سانيتارلىق بەكەت ورناتىلادى.
1ء-شى سانيتارلىق بەكەت – الماتى قالاسىنان كىرە بەرىستە، الماتى تراسساسىندا ورنالاسقان. 2ء-شى سانيتارلىق بەكەت – قاراتال اۋدانىنان كىرە بەرىستە، ۇشتوبە تراسساسىندا ورىن العان.
3ء-شى سانيتارلىق بەكەت – ەسكەلدى اۋدانى، قارابۇلاق تراسساسىندا جايعاستىرىلسا، 4ء-شى سانيتارلىق بەكەت – اقسۋ اۋدانىنان كىرە بەرىستە، ءۇشارال تراسساسىندا تۇر.
وسى تاۋلىك بويى ىستەيتىن سانيتارلىق بەكەتتەردە پوليسيا جانە سەس قىزمەتكەرلەرى تەپلوۆيزورلارمەن تۇرادى، ولار بارلىق قالاعا كىرگەن ادامداردى تەكسەرەدى!
سونداي-اق بارشا كەلىشى ادامدار ارنايى ساۋالنامانى تولتىراتىن بولادى! ەسكەرتە كەتەيىك، الماتى وبلىسىنداعى رەسپۋبليكالىق، وبلىستىق جانە اۋداندىق ماڭىزى بار جولدار مەن اۆتوجولدار – اشىق، ولاردى جاپپايدى.
انار سابىروۆا
https://dalanews.kz/51608
