Naýqas Qarasai aýdanynyń turǵyny. Ol 18 aqpan men 17 naýryz aralyǵynda Mekkede, Saýd Arabiiasynda bolǵan. Azamat Stambýl arqyly Bishkekke turaqtap, keiin jeńil kólikpen ońtústik Astanaǵa qaitqan.
Almaty oblysynyń týmasy 20 naýryzyda saǵat 10.45-te dene qyzýynyń kóterilýi, sýyq tiiý belgilerimen Qyrǵaýyl kentindegi dárigerlik ambýlatoriiaǵa shaǵymyn aityp kelgen. Negizgi jumys jasaý tártibine sáikes, saǵat 11.30-da arnaiy syrtqy kiim kigen jedel járdem toby naýqasty Qarasai aýdandyq aýrýhanasynyń juqpaly aýrýlar bóliminiń boksyna jetkizgen. Qazirgi tańda klinikalyq-diagnostikalyq qajetti zertteýler júrgizilip, simptomatikalyq emdeý sharalary bastalǵan.
Aryzyn aitqan tulǵadan virýsologiialyq taldaýmen, bastapqy synama alynǵan. Qoiylǵan diagnozdy rastaý úshin barlyq analizder Almaty qalasynda ornalasqan ulttyq referans zerthanasyna jiberilgen.
Budan bólek, koronavirýsqa qatysty engizilgen erejede kórsetilgendei onymen bailanysqa túsken barlyq adamdar provizorlyq bólimshege jatqyzyldy. Belgili bolǵandai, qaskeleńdik turǵynmen 11 jeke tulǵa qarym-qatynas ornatypty. Búgingi kúni Almaty oblysy COVID-19 dertinen saqtaný úshin barlyq sharalardy kúsheitýde. Osyǵan orai Taldyqorǵan qalasynyń ainalasynda táýlik boiy isteitin 4 sanitarlyq beket ornatylady.
1-shi sanitarlyq beket – Almaty qalasynan kire beriste, Almaty trassasynda ornalasqan. 2-shi sanitarlyq beket – Qaratal aýdanynan kire beriste, Úshtóbe trassasynda oryn alǵan.
3-shi sanitarlyq beket – Eskeldi aýdany, Qarabulaq trassasynda jaiǵastyrylsa, 4-shi sanitarlyq beket – Aqsý aýdanynan kire beriste, Úsharal trassasynda tur.
Osy táýlik boiy isteitin sanitarlyq beketterde politsiia jáne SES qyzmetkerleri teplovizorlarmen turady, olar barlyq qalaǵa kirgen adamdardy tekseredi!
Sondai-aq barsha kelishi adamdar arnaiy saýalnamany toltyratyn bolady! Eskerte keteiik, Almaty oblysyndaǵy respýblikalyq, oblystyq jáne aýdandyq mańyzy bar joldar men avtojoldar – ashyq, olardy jappaidy.
Anar SABYROVA
https://dalanews.kz/51608
