تۇركيانىڭ ستامبۋل قالاسىندا قازاقستان ازاماتى اريف يسمايلوۆ اتىپ ءولتىرىلدى، دەپ حابارلايدى Dala News Haberler باسىلىمىنا سىلتەمە جاساپ.
وقيعا فاتيح اۋدانىنداعى بالاباناگا كۆارتالىندا بولعان. مالىمەتكە سايكەس، بەلگىسىز ادام ەر ادامعا جاقىنداپ، باسىنان اتىپ، وقيعا ورنىنان قاشىپ كەتكەن. قازاقستاندىق العان جاراقاتىنان سول جەردە كوز جۇمعان.
قىلمىس ءساتى بەينەباقىلاۋ كامەرالارىنا ءتۇسىپ قالعان.
كەيىن پوليسيا كۇدىكتىلەردى ۇستاۋ بويىنشا جەدەل شارالار جۇرگىزگەن. ناتيجەسىندە ەلدەن كەتپەك بولعان ەكى ادام تۇركيانىڭ ەديرنە پروۆينسياسىندا، شەكارا ماڭىندا قولعا تۇسكەن. ولار گرۋزيا ازاماتتارى ەكەنى انىقتالعان.
قازىرگى ۋاقىتتا وقيعا بويىنشا تەرگەۋ جالعاسىپ جاتىر.
قازاقستاننىڭ سىرتقى ىستەر مينيسترلىگىنە رەسمي تۇسىنىكتەمە الۋ ءۇشىن ساۋال جولداندى.
