تٷركييانىڭ انتاليا قالاسىندا ٶتكەن Ethnosport 2027 جاھاندىق فورۋمىندا توعىزقۇمالاقتىڭ حالىقارالىق مەرتەبەسٸن ارتتىرۋ مەسەلەسٸ كٶتەرٸلدٸ, دەپ حابارلايدى Dala News.
2026 جىلعى 4–5 سەۋٸر كٷندەرٸ ٶتكەن فورۋم دٷنيەجٷزٸلٸك ەتنوسپورت وداعىنىڭ ارنايى باسقوسۋىنا اينالىپ, ۇلتتىق سپورت تٷرلەرٸن حالىقارالىق دەڭگەيدە دامىتۋعا باعىتتالعان ماڭىزدى شەشٸمدەر قابىلداندى. اشىلۋ رەسٸمٸندە تٷركييا پارلامەنتٸنٸڭ تٶراعاسى ەرٸ ۇيىم باسشىسى بٸلەل ەردوعان سٶز سٶيلەدٸ.
فورۋم بارىسىندا قازاقستاننىڭ تۋريزم جەنە سپورت مينيسترٸ ەربول مىرزاباسىنوۆ ۇلتتىق سپورت تٷرلەرٸن دامىتۋ بويىنشا جٷرگٸزٸلٸپ جاتقان جۇمىستاردى تانىستىرىپ, بٸرقاتار ۇسىنىستار ۇسىندى.
ٸس-شاراعا دٷنيەجٷزٸلٸك توعىزقۇمالاق سپورتى فەدەراتسيياسىنىڭ پرەزيدەنتٸ ەليحان بايمەنوۆ, باس حاتشى ماقسات شوتاەۆ جەنە ۆيتسە-پرەزيدەنت, قازاقستان توعىزقۇمالاق فەدەراتسيياسىنىڭ پرەزيدەنتٸ ەكٸم تۇرسۇن قاتىستى. ولار توعىزقۇمالاقتى Ethnosport 2027 باعدارلاماسىنا ەنگٸزٸپ, حالىقارالىق دەڭگەيدە كەڭٸنەن دامىتۋ قاجەتتٸگٸن اتاپ ٶتتٸ.
فورۋم اياسىندا توعىزقۇمالاق دەلەگاتسيياسى بٸرقاتار حالىقارالىق كەزدەسۋلەر ٶتكٸزٸپ, تٷركييا, تۋنيس, ليتۆا, ەزٸربايجان جەنە ەكۆادور ەلدەرٸنٸڭ ٶكٸلدەرٸمەن بايلانىس ورناتتى.
سونداي-اق بٸلەل ەردوعانعا جەنە باسقا دا شەتەلدٸك دەلەگاتتارعا توعىزقۇمالاق تاقتالارى سىيعا تارتىلىپ, ۇلتتىق زيياتكەرلٸك ويىننىڭ ماڭىزى تانىستىرىلدى.
قاتىسۋشىلار توعىزقۇمالاقتىڭ ەلەمدە قارقىندى دامىپ كەلە جاتقانىن اتاپ ٶتٸپ, ونىڭ ٸرٸ حالىقارالىق سپورتتىق فورۋمداردا لايىقتى ورىن الۋعا تولىق مٷمكٸندٸگٸ بار ەكەنٸن جەتكٸزدٸ.
