ەلوردادا ەسٸرتكٸ قىلمىسىنا قاتىسى بار 25 جاستاعى كٷدٸكتٸ پوليتسييادان قاشپاق بولدى, دەپ حابارلايدى Dalanews.kz.
جەدەل ٸزدەستٸرۋ ٸس-شارالارى بارىسىندا پوليتسەيلەر Chery كٶلٸگٸن توقتاتپاق بولعان. الايدا جٷرگٸزۋشٸ زاڭدى تالاپقا باعىنباي, توقتاماي, جاسىرىنۋعا ەرەكەت جاساعان. قۋعىن بارىسىندا ول تۇرعىن ٷي اۋلاسىنا كٸرٸپ, تۇراقتا تۇرعان ەكٸ كٶلٸكپەن سوقتىعىسقان. ودان كەيٸن ەر ادام كٶلٸكتٸ تاستاپ, جاياۋ قاشپاق بولعانىمەن, پوليتسييا قىزمەتكەرلەرٸ ونى ۇستادى.
"كٶلٸكتٸ تەكسەرۋ بارىسىندا ارتقى ورىندىعىنان جاسىل تٷستٸ وقشاۋلاعىش تاسپامەن ورالعان, ۇنتاق تەرٸزدٸ زات سالىنعان وراما تابىلدى. ساراپتاما قورىتىندىسىنا سەيكەس ونىڭ جالپى سالماعى شامامەن 500 گرامم بولاتىن الفا-PVP ەسٸرتكٸسٸ ەكەنٸ انىقتالدى. بۇل دەرەك بويىنشا قىلمىستىق ٸس قوزعالدى. كٷدٸكتٸ ۋاقىتشا ۇستاۋ يزولياتورىنا قامالدى", - دەدٸ پوليتسييا.
