زاڭسىز ماحيناتسييالار: توقاەۆ قما تٶراعاسىنا بٸرقاتار تاپسىرما بەردٸ

پرەزيدەنتكە اگەنتتٸك قىزمەتٸنٸڭ نەگٸزگٸ قورىتىندىلارى مەن الداعى كەزەڭگە ارنالعان مٸندەتتەرٸ جٶنٸندە باياندالدى.

جانات ەليمانوۆتىڭ ايتۋىنشا, بيۋدجەت شىعىستارىنا جٷرگٸزٸلگەن مونيتورينگ كەزٸندە مال شارۋاشىلىعى سالاسىنا بٶلٸنگەن 30 ميلليارد تەڭگە سۋبسيدييانى تيٸمسٸز پايدالانۋ تەۋەكەلدەرٸ انىقتالعان. سونداي-اق عىلىمي زەرتتەۋلەر مەن عىلىمي-تەحنيكالىق نەتيجەلەردٸ كوممەرتسييالاندىرۋعا باعىتتالعان 10 ميللياردتان اسا تەڭگەنٸ ماقساتسىز جۇمساۋ بەلگٸلەرٸ ايقىندالدى. مٸندەتتٸ ەلەۋمەتتٸك مەديتسينالىق ساقتاندىرۋ قاراجاتىن جىمقىرۋ فاكتٸلەرٸ بويىنشا 14 سوتقا دەيٸنگٸ تەرگەۋ باستالعان, ال قۇرىلىس سالاسىندا 5,3 ميلليارد تەڭگەنٸ زاڭسىز يەمدەنبەك بولعان جاندارعا قاتىستى 21 قىلمىستىق ٸس قوزعالدى.

مەملەكەت باسشىسىنا الاياقتىق ەرەكەتتەردٸڭ الدىن الۋ بويىنشا 17 قارجى پيراميداسىنىڭ قىزمەتٸ توقتاتىلعانى جەنە بانكتەر مەن بايلانىس وپەراتورلارىنىڭ اتىن جامىلىپ, ارنايى قۇرىلعىلار ارقىلى جاپپاي فيشينگتٸك SMS-حابارلامالار تاراتقان توپ ەشكەرەلەنگەنٸ جٶنٸندە ەسەپ بەرٸلدٸ. جالپى اۋديتوريياسى 25 مىڭنان اساتىن 3,7 مىڭ الاياقتىق سايت جەنە 22 توپتىق چات جابىلعان. 400-دەن استام جالعان قۇرىلىس كومپانيياسىنىڭ زاڭسىز تٷردە بٸرٸنشٸ ساناتتاعى ليتسەنزييا الۋىنا جول بەرٸلگەن جوق.

بۇدان بٶلەك, قىلمىستىق تابىستاردى جىلىستاتۋعا قارسى كٷرەس سالاسىندا اتقارىلعان جۇمىستار تانىستىرىلدى. اتاپ ايتقاندا, زاڭسىز سحەمالاردا قولدانىلعان دروپ-كارتالارعا قاتىستى 14 سوتقا دەيٸنگٸ تەرگەۋ باستالدى, ولاردىڭ ەسەپشوتىنداعى قارجىنىڭ جالپى اينالىمى 13 ميلليارد تەڭگەدەن اسقان. «كٶلەڭكەدەگٸ» تۇلعالارعا رەسٸمدەلگەن 68 مىڭنان استام كارتا بۇعاتتالعان. جالعان كومپانييالار مەن قۇجاتتاردى پايدالانۋ فاكتٸلەرٸ بويىنشا 23 ٸس تٸركەلگەن, كەلتٸرٸلگەن زالال – شامامەن 13 ميلليارد تەڭگە. قارجىلىق پيراميدالار, ونلاين-كازينو جەنە الاياقتىقتان تٷسكەن تابىستى جىلىستاتۋمەن اينالىسقان 3 جاسىرىن كريپتوايىرباستاۋ قىزمەتٸنٸڭ جولى كەسٸلدٸ. كريپتوۆاليۋتا ايىرباستاۋعا قاتىستى زاڭسىز ونلاين سەرۆيستەرگە كٸرۋگە ارنالعان 483 سٸلتەمە جويىلدى.

كەزدەسۋ سوڭىندا مەملەكەت باسشىسى اگەنتتٸكتٸڭ نەگٸزگٸ باعىتتارى بويىنشا بٸرقاتار ناقتى تاپسىرما بەردٸ.