Qasym-Jomart Toqaev Qarjylyq monitoring agenttiginiń tóraǵasy Janat Elimanovty qabyldady, dep habarlaidy Dalanews.kz.
Prezidentke agenttik qyzmetiniń negizgi qorytyndylary men aldaǵy kezeńge arnalǵan mindetteri jóninde baiandaldy.
Janat Elimanovtyń aitýynsha, biýdjet shyǵystaryna júrgizilgen monitoring kezinde mal sharýashylyǵy salasyna bólingen 30 milliard teńge sýbsidiiany tiimsiz paidalaný táýekelderi anyqtalǵan. Sondai-aq ǵylymi zertteýler men ǵylymi-tehnikalyq nátijelerdi kommertsiialandyrýǵa baǵyttalǵan 10 milliardtan asa teńgeni maqsatsyz jumsaý belgileri aiqyndaldy. Mindetti áleýmettik meditsinalyq saqtandyrý qarajatyn jymqyrý faktileri boiynsha 14 sotqa deiingi tergeý bastalǵan, al qurylys salasynda 5,3 milliard teńgeni zańsyz iemdenbek bolǵan jandarǵa qatysty 21 qylmystyq is qozǵaldy.
Memleket basshysyna alaiaqtyq áreketterdiń aldyn alý boiynsha 17 qarjy piramidasynyń qyzmeti toqtatylǵany jáne bankter men bailanys operatorlarynyń atyn jamylyp, arnaiy qurylǵylar arqyly jappai fishingtik SMS-habarlamalar taratqan top áshkerelengeni jóninde esep berildi. Jalpy aýditoriiasy 25 myńnan asatyn 3,7 myń alaiaqtyq sait jáne 22 toptyq chat jabylǵan. 400-den astam jalǵan qurylys kompaniiasynyń zańsyz túrde birinshi sanattaǵy litsenziia alýyna jol berilgen joq.
Budan bólek, qylmystyq tabystardy jylystatýǵa qarsy kúres salasynda atqarylǵan jumystar tanystyryldy. Atap aitqanda, zańsyz shemalarda qoldanylǵan drop-kartalarǵa qatysty 14 sotqa deiingi tergeý bastaldy, olardyń esepshotyndaǵy qarjynyń jalpy ainalymy 13 milliard teńgeden asqan. «Kóleńkedegi» tulǵalarǵa rásimdelgen 68 myńnan astam karta buǵattalǵan. Jalǵan kompaniialar men qujattardy paidalaný faktileri boiynsha 23 is tirkelgen, keltirilgen zalal – shamamen 13 milliard teńge. Qarjylyq piramidalar, onlain-kazino jáne alaiaqtyqtan túsken tabysty jylystatýmen ainalysqan 3 jasyryn kriptoaiyrbastaý qyzmetiniń joly kesildi. Kriptovaliýta aiyrbastaýǵa qatysty zańsyz onlain servisterge kirýge arnalǵan 483 silteme joiyldy.
Kezdesý sońynda Memleket basshysy agenttiktiń negizgi baǵyttary boiynsha birqatar naqty tapsyrma berdi.
