سوزاق اۋدانىنداعى باباتا ەلدى مەكەنىندەگى از قامتىلعان وتباسىعا «قازفوسفات» ءجشس-نىڭ دەمەۋشىلىگىمەن باسپانا بەرىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
وسى ورايدا اۋدان اكىمى مۇحيت تۇرىسبەكوۆ جاڭا ءۇيدىڭ كىلتىن تابىستاپ، ءۇي يەسىن قۇتتىقتادى. بەس بولمەلى باسپانادا سۋ جانە جىلۋ جۇيەلەرى تولىقتاي ورناتىلعان. سونداي-اق، شارۋاشىلىقتى دامىتۋعا ارنالعان 20 سوتتىقتان استام جەر تەلىمى بار.
«بۇگىنگى قۋانىش – تەك سىزدەر ءۇشىن عانا ەمەس، بارشا اۋىل تۇرعىندارى ءۇشىن دە ماڭىزدى. ءاربىر ادام ءوزىنىڭ شاڭىراعىندا باقىتتى بولۋى ءتيىس. جاڭا ءۇي – جاڭا مۇمكىندىكتەر، جاڭا باستاما. ءبىز تۇرعىنداردىڭ ءال-اۋقاتىن جاقسارتۋعا، قوعامىمىزدىڭ دامۋىنا بارىنشا قولداۋ كورسەتەمىز. وسىلايشا ءبىز بىرلىگىمىزدى نىعايتىپ، ەلىمىزدىڭ بولاشاعىن بىرگە قالىپتاستىرامىز»، – دەدى اۋدان باسشىسى مۇحيت سەكسەنباي ۇلى.
