ءبىر ايدا بجزق-دان "تۇرعىن ءۇي جاعدايىن جاقسارتۋ" ماقساتىندا الىنعان اقشانىڭ كولەمى 15 %-عا وسكەن. مۇنداي بەلسەندىلىك قوردان قاراجاتتى شەشىپ الۋعا شەكتەۋلەر ەنگىزىلۋى مۇمكىن ەكەندىگى جايلى ءسوز شىعا سالىسىمەن، شىلدە ايىنان باستالعان، دەپ حابارلايدى Dalanews.kz.

قازان ايىندا تۇرعىن ءۇي جاعدايىن جاقسارتۋ ماقساتىندا بجزق وزىنە كەلىپ تۇسكەن  45،3 مىڭ ءوتىنىش بويىنشا زەينەتاقى جيناقتارىنىڭ ءبىرجولعى تولەمىن ورىندادى، بۇل - قىركۇيەكپەن سالىستىرعاندا 15%-عا ارتىق كولەم.

"بەلسەندىلىكتىڭ كۇرت ءوسىمى شىلدەدە اتالعان قوردان قاراجاتتى شەشىپ الۋعا شەكتەۋلەر ەنگىزىلۋى مۇمكىن ەكەندىگى جايلى ءسوز شىعا سالىسىمەن بەلەڭ العانىن ەسكە سالامىز.  سودان بەرى قوردان بەلسەندى تۇردە قاراجات شەشىلە باستادى. قازان ايىنداعى "تۇرعىن ءۇي جاعدايىن جاقسارتۋ ماقساتىندا" كەلىپ تۇسكەن وتىنىشتەرىنىڭ سانى الدىڭعى ءۇش دۇربەلەڭ ايداعىدان دا كوپ بولىپ وتىر. قازان ايىندا بجزق ورىنداعان وتىنىمدەردىڭ جالپى سوماسى 37،4 ملرد تەڭگەنى قۇرادى. قىركۇيەكتە بۇل سوما وزگەرىسسىز بولدى، ءبىراق شىلدە ايىنداعى ەڭ كوپ مولشەر - 45،1 ملرد  تەڭگەمەن سالىستىرعاندا، ارينە از. وتكەن ايدا قارالعان ءاربىر ءۇشىنشى ءوتىنىم تۇرعىن ءۇي قۇرىلىس جيناق جۇيەسىندەگى سالىمدى ودان ءارى جيناقتاۋ ءۇشىن تولىقتىرۋعا قاتىستى بولدى. ال سوماسى بويىنشا ەڭ بىردەن كوز تيەستىن ۇلەس تۇرعىن ءۇي ساتىپ الۋ كەزىندەگى سوڭعى ەسەپ ايىرىسۋلارعا (38%) تيەسىلى"، دەپ ناقتىلايدى ءبىرىنشى كرەديتتىك بيۋرو.

ەمدەۋ ماقساتىندا ورىندالعان وتىنىشتەردىڭ جالپى سانى قازان ايىندا 13،2 مىڭعا جەتتى. ولاردىڭ بارلىعى دەرلىك ستوماتولوگيالىق قىزمەتتەرگە جۇمسالعان(98%).

"قاراجاتتى پايدالانۋدىڭ ءدال وسى ءتۇرىن باسىندا ۋاقىتشا دوعارا تۇرۋ ويلاستىرىلعان، ودان كەيىن كۇردەلەندىرەيىك دەدى، ءبىراق ازىرگە تۇپكىلىكتى شەشىم جاريالانعان جوق"، - دەيدى ساراپشىلار.

بۇعان دەيىن Dalanews قازاقستان ازاماتتارىنىڭ بجزق-داعى جيناعىنىڭ 2024 جىلدىڭ توعىز ايىنداعى تابىسى 2،09 ترلن تەڭگەنى قۇراعانىن جازعان.