الماتىدا جەڭٸل رەلستٸ كٶلٸك (LRT) جوباسىن ٸسكە اسىرۋ اياسىندا قۇرىلىس جۇمىستارىنىڭ باستالۋىنا بايلانىستى مومىشۇلى كٶشەسٸندە كٶلٸك قوزعالىسىنا ۋاقىتشا شەكتەۋ ەنگٸزٸلەدٸ, دەپ حابارلايدى dalanews.kz.
اتاپ ايتقاندا, مٶڭكە بي كٶشەسٸنەن تٶلە بي كٶشەسٸنە دەيٸنگٸ ارالىقتا كٶلٸك قوزعالىسى ٷشٸن جولدىڭ ورتاداعى ەكٸ جولاعى جابىلادى. قۇرىلىس جۇمىستارى كەزەڭٸندە قوعامدىق كٶلٸككە ارنالعان ارنايى جولاق جۇمىس ٸستەمەيدٸ, سونداي-اق بەينەباقىلاۋ كامەرالارى بۇل جولاققا شىققان كٶلٸكتەردٸ تٸركەمەيدٸ.
جٷرگٸزۋشٸلەرگە جول جٷرۋ باعىتىن الدىن الا جوسپارلاپ, اتالعان ۋچاسكەدە كٶلٸك قوزعالىسىنىڭ قيىنداۋى مٷمكٸن ەكەنٸن ەسكەرۋ ۇسىنىلادى.
ەسكە سالساق, جەڭٸل رەلستٸ كٶلٸكتٸڭ (LRT) بٸرٸنشٸ كەزەڭٸنٸڭ باعىتى مومىشۇلى كٶشەسٸ – تٶلە بي كٶشەسٸ – ابىلاي حان داڭعىلى – «الماتى-2» تەمٸرجول ۆوكزالى باعىتىمەن ٶتەدٸ. دەپو الاتاۋ اۋدانىنداعى يندۋسترييالىق ايماقتىڭ وڭتٷستٸك بٶلٸگٸندە ورنالاسادى.
جوبانىڭ بٸرٸنشٸ كەزەڭٸنٸڭ جالپى ۇزىندىعى 18,3 شاقىرىم بولادى.
