Almatyda jeńil relsti kólik (LRT) jobasyn iske asyrý aiasynda qurylys jumystarynyń bastalýyna bailanysty Momyshuly kóshesinde kólik qozǵalysyna ýaqytsha shekteý engiziledi, dep habarlaidy dalanews.kz.
Atap aitqanda, Móńke bi kóshesinen Tóle bi kóshesine deiingi aralyqta kólik qozǵalysy úshin joldyń ortadaǵy eki jolaǵy jabylady. Qurylys jumystary kezeńinde qoǵamdyq kólikke arnalǵan arnaiy jolaq jumys istemeidi, sondai-aq beinebaqylaý kameralary bul jolaqqa shyqqan kólikterdi tirkemeidi.
Júrgizýshilerge jol júrý baǵytyn aldyn ala josparlap, atalǵan ýchaskede kólik qozǵalysynyń qiyndaýy múmkin ekenin eskerý usynylady.
Eske salsaq, jeńil relsti kóliktiń (LRT) birinshi kezeńiniń baǵyty Momyshuly kóshesi – Tóle bi kóshesi – Abylai han dańǵyly – «Almaty-2» temirjol vokzaly baǵytymen ótedi. Depo Alataý aýdanyndaǵy Indýstriialyq aimaqtyń ońtústik bóliginde ornalasady.
Jobanyń birinshi kezeńiniń jalpy uzyndyǵy 18,3 shaqyrym bolady.
