Bir aida BJZQ-dan "turǵyn úi jaǵdaiyn jaqsartý" maqsatynda alynǵan aqshanyń kólemi 15 %-ǵa ósken. Mundai belsendilik qordan qarajatty sheship alýǵa shekteýler engizilýi múmkin ekendigi jaily sóz shyǵa salysymen, shilde aiynan bastalǵan, dep habarlaidy Dalanews.kz.
Qazan aiynda turǵyn úi jaǵdaiyn jaqsartý maqsatynda BJZQ ózine kelip túsken 45,3 myń ótinish boiynsha zeinetaqy jinaqtarynyń birjolǵy tólemin oryndady, bul - qyrkúiekpen salystyrǵanda 15%-ǵa artyq kólem.
"Belsendiliktiń kúrt ósimi shildede atalǵan qordan qarajatty sheship alýǵa shekteýler engizilýi múmkin ekendigi jaily sóz shyǵa salysymen beleń alǵanyn eske salamyz. Sodan beri qordan belsendi túrde qarajat sheshile bastady. Qazan aiyndaǵy "turǵyn úi jaǵdaiyn jaqsartý maqsatynda" kelip túsken ótinishteriniń sany aldyńǵy úsh dúrbeleń aidaǵydan da kóp bolyp otyr. Qazan aiynda BJZQ oryndaǵan ótinimderdiń jalpy somasy 37,4 mlrd teńgeni qurady. Qyrkúiekte bul soma ózgerissiz boldy, biraq shilde aiyndaǵy eń kóp mólsher - 45,1 mlrd teńgemen salystyrǵanda, árine az. Ótken aida qaralǵan árbir úshinshi ótinim turǵyn úi qurylys jinaq júiesindegi salymdy odan ári jinaqtaý úshin tolyqtyrýǵa qatysty boldy. Al somasy boiynsha eń birden kóz tiestin úles turǵyn úi satyp alý kezindegi sońǵy esep aiyrysýlarǵa (38%) tiesili", dep naqtylaidy Birinshi kredittik biýro.
Emdeý maqsatynda oryndalǵan ótinishterdiń jalpy sany qazan aiynda 13,2 myńǵa jetti. Olardyń barlyǵy derlik stomatologiialyq qyzmetterge jumsalǵan(98%).
"Qarajatty paidalanýdyń dál osy túrin basynda ýaqytsha doǵara turý oilastyrylǵan, odan keiin kúrdelendireiik dedi, biraq ázirge túpkilikti sheshim jariialanǵan joq", - deidi sarapshylar.
Buǵan deiin Dalanews Qazaqstan azamattarynyń BJZQ-daǵy jinaǵynyń 2024 jyldyń toǵyz aiyndaǵy tabysy 2,09 trln teńgeni quraǵanyn jazǵan.
