Qazaqstan Ulttyq banki teńgeniń nyǵaiýy qazaqstandyqtardyń zeinetaqy jinaqtaryna qalai áser etkenin túsindirdi. Bul týraly Ulttyq bank tóraǵasynyń orynbasary Áliia Moldabekova málimdedi, dep habarlaidy Dalanews.kz.
Onyń aitýynsha, investitsiialyq tabystyń qaita baǵalanýy teńge baǵamynyń qubylýyna bailanysty bolǵan. Bul óz kezeginde zeinetaqy aktivterindegi qarjy quraldarynyń naryqtyq qunyna áser etken.
Áliia Moldabekova munda shyǵyn týraly emes, teńgeniń kúsheiýi aiasynda investitsiialyq tabystyń tómendeýi jóninde sóz bolyp otyrǵanyn atap ótti.
Onyń málimetinshe, zeinetaqy aktivteriniń shamamen 40 paiyzy ártaraptandyrý maqsatynda shetel valiýtasyna ornalastyrylǵan. Jyl basynan naýryz aiynyń sońyna deiin teńge AQSh dollaryna qatysty shamamen 5,5 paiyzǵa nyǵaiǵan.
Sonyń saldarynan BJZQ investitsiialyq tabysy tómendegen. Naqty aitqanda, naýryz aiynda investitsiialyq tabys 240 mlrd teńgege azaiǵan.
Sonymen qatar Moldabekova 2026 jyldyń basynan beri BJZQ jalpy oń kiristilik kórsetkenin jetkizdi. Onyń kólemi 172 mlrd teńge bolǵan.
