2024 جىلعى 1 قاڭتاردان باستاپ جالپىعا بىردەي دەكلاراسيالاۋدىڭ ءۇشىنشى كەزەڭى شەڭبەرىندە زاڭدى تۇلعالاردىڭ باسشىلارى، قۇرىلتايشىلارى (قاتىسۋشىلارى) جانە دارا كاسىپكەرلەر، سونداي-اق ولاردىڭ جۇبايلارى بولىپ تابىلاتىن 2 ميلليوننا. استام جەكە تۇلعا اكتيۆتەر مەن مىندەتتەمەلەر تۋرالى دەكلاراسياسىن ۇسىندى، دەپ حابارلايدى Dalanews.kz.
"دەكلاراسيانى تاپسىرۋ مەرزىمى 2024 جىلعى 16 قىركۇيەكتە اياقتالدى. دەكلاراسيانى ۇسىنباعان سالىق تولەۋشىلەر بويىنشا سالىق زاڭناماسىندا بەلگىلەنگەن مەرزىمدە سالىق ەسەپتىلىگىن ۇسىنباعانى تۋرالى حابارلامالار جىبەرىلدى. حابارلامانى العان ساتتەن باستاپ 30 جۇمىس كۇنى ىشىندە مۇنداي ادامدار دەكلاراسيانى ۇسىنۋ نەمەسە تۇسىنىكتەمە بەرۋ ارقىلى بۇزۋشىلىقتى جويۋى قاجەت"، دەلىنگەن ق ر قم مەملەكەتتىك كىرىستەر كوميتەتىنىڭ حابارلاماسىندا.
ال قوسىمشا بەرىلگەن بۇل مەرزىمدە دەكلاراسيانى ۇسىنباعانداردىڭ بانكتىك شوتتارى بۇعاتتالادى.
"مۇنداي سالىق تولەۋشىلەرگە بانكتىك شوتتارى بويىنشا شىعىس وپەراسيالارى توقتاتا تۇرۋ تۇرىندەگى شارالار قولدانىلادى. (سالىق كودەكسىنىڭ 118بابى 1-تارماعىنىڭ 1-تارماقشاسى)"، دەلىنگەن مكك ەسكەرتۋىندە.
ايتا كەتسەك، دەكلاراسيانى ەلەكتروندى تۇردە سالىق تولەۋشىنىڭ كابينەتى (cabinet.salyk.kz)، ەلەكتروندىق ۇكىمەت پورتالى (egov.kz) جانە E-Salyq Azamat، eGov mobile، Kaspi.kz، Halyk، ۆcc.kz. ءموبيلدى قوسىمشالارى ارقىلى ۇسىنۋعا بولادى.
