2024 jylǵy 1 qańtardan bastap jalpyǵa birdeı deklarasıalaýdyń úshinshi kezeńi sheńberinde zańdy tulǵalardyń basshylary, quryltaıshylary (qatysýshylary) jáne dara kásipkerler, sondaı-aq olardyń jubaılary bolyp tabylatyn 2 mıllıonna. astam jeke tulǵa aktıvter men mindettemeler týraly deklarasıasyn usyndy, dep habarlaıdy Dalanews.kz.
"Deklarasıany tapsyrý merzimi 2024 jylǵy 16 qyrkúıekte aıaqtaldy. Deklarasıany usynbaǵan salyq tóleýshiler boıynsha salyq zańnamasynda belgilengen merzimde salyq eseptiligin usynbaǵany týraly habarlamalar jiberildi. Habarlamany alǵan sátten bastap 30 jumys kúni ishinde mundaı adamdar deklarasıany usyný nemese túsinikteme berý arqyly buzýshylyqty joıýy qajet", delingen QR QM Memlekettik kirister komıtetiniń habarlamasynda.
Al qosymsha berilgen bul merzimde deklarasıany usynbaǵandardyń banktik shottary buǵattalady.
"Mundaı salyq tóleýshilerge banktik shottary boıynsha shyǵys operasıalary toqtata turý túrindegi sharalar qoldanylady. (Salyq kodeksiniń 118baby 1-tarmaǵynyń 1-tarmaqshasy)", delingen MKK eskertýinde.
Aıta ketsek, deklarasıany elektrondy túrde salyq tóleýshiniń kabıneti (cabinet.salyk.kz), Elektrondyq úkimet portaly (egov.kz) jáne E-Salyq Azamat, eGov mobile, Kaspi.kz, Halyk, Vcc.kz. mobıldi qosymshalary arqyly usynýǵa bolady.
