اپتا باسىندا مۇناي باعاسى اقىرىنداپ كۇش العانىمەن، ول تەڭگەگە شاققانداعى اقش دوللارىنا ىقپال ەتە الماي جاتىر. تەڭگەنىڭ قۇنسىزدانۋىنا، سىرتتان گورى ىشكى فاكتورلار كوبىرەك اسەر ەتۋدە. ال قور بيرجاسىندا قما اكسيالارىنا سۇرانىس ارتتى، دەپ حابارلايدى Dalanews.kz.
اتالعان نارىقتارعا شولۋدى قازاقستان قارجىگەرلەرى قاۋىمداستىعىنىڭ ساراپشىلارى ازىرلەدى.
ۆاليۋتا نارىعى
بۇل اپتا ۇلتتىق ۆاليۋتا باعامىنىڭ ارى قاراي السىرەي تۇسۋىنەن باستالدى: قور بيرجاسىندا دۇيسەنبىدەگى ساۋدا-ساتتىق كولەمى 287،0 ملن دوللارعا (+92،9 ملن) ايتارلىقتاي ءوسىپ، 1 اقش دوللاردىڭ قۇنى 489،15 تەڭگەنى (+0،88 تەڭگە) قۇرادى. نەگىزىنەن، سىرتقى نارىقتاعى جاعداي وڭ سيپاتقا يە، ياعني ازداپ باعاسى وسكەن مۇناي دوللارعا قىسىم كورسەتۋى ءتيىس، الايدا بۇل رەتتە ىشكى فاكتورلار كوبىرەك ءرول ويناپ، تەڭگە قۇنسىزدانا ءتۇستى. شەتەل ۆاليۋتاسىن بەلسەندى ساتىپ الۋ جەرگىلىكتى نارىقتىڭ جەكەلەگەن ءىرى ويىنشىلارىنا كەرەك بولدى. بۇل قازاقستاندىق كومپانيالاردىڭ يمپورتتىق كەلىسىمشارتتار جانە سىرتقى مىندەتتەمەلەر وتەمى سىندى تولەم ماقساتتارىن جۇرگىزۋ ءۇشىن قاجەت بولسا كەرەك. ق ر ۇب دەرەكتەرىنە سايكەس، ءىىى-توقساندا يمپورت كولەمى 2%-عا، ياعني 15،5 ملرد دوللارعا دەيىن ۇلعايدى، ال قازان-جەلتوقسان ايلارىندا سىرتقى قارىز بويىنشا تولەمدەر 10،2 ملرد دوللاردى (2024 جىلى ءىىى-توقساندا - 8،7 ملرد.) قۇراۋى مۇمكىن. ال ەلىمىزدەگى اقشا ايىرباستاۋ ورىندارىندا 1 اقش دوللارى 490-492 تەڭگە ارالىعىندا ساتىلۋدا.
قور نارىعى
دۇيسەنبىدە كۇندىزگى ساۋدا-ساتتىق قورىتىندىسى بويىنشا KASE يندەكسى ءىس جۇزىندە وزگەرگەن جوق (+0،03%)، ول 5 213،56 تارماق بەلگىسىندە قالىپتاستى. "قازاتومونەركاسىپ" اكسيالارىنىڭ قۇنى ازداپ ءوستى (+0،9%)، ال قارجىلىق ناتيجەلەرى كەلەسى اپتانىڭ سوڭىندا كۇتىلىپ وتىرعان بسك-نىڭ ۇلەستىك باعالى قاعازدارى باعاسى ازداپ تومەندەدى (-0،9%). سونىمەن قاتار، S&P Global كرەديتتىك رەيتينگىسىندە قازترانسويل كومپانياسى "ۆۆ+" دەڭگەيى ساقتاپ قالعانى حابارلاندى، بولجام -"تۇراقتى". بۇگىنگى ساۋدا-ساتتىقتا جەرگىلىكتى ينۆەستورلار تاراپىنان كەشە عانا 2024 جىلدىڭ 9 ايىنىڭ قورىتىندىسى بويىنشا وندىرىستىك كورسەتكىشتەرى تۋرالى ەسەبىن جاريالاعان قمگ اكسيالارى (مۇناي/گاز كوندەنساتىن ءوندىرۋ جانە مۇناي تاسىمالى كولەمى وتكەن جىلدىڭ سايكەس كەزەڭىمەن سالىستىرعاندا 3،1% جانە 6،4%-عا ءوستى) سۇرانىسقا يە بولۋدا.
مۇناي
دۇيسەنبىدە Brent مۇنايىنىڭ ءبىر باررەلى وپەك+ ەلدەرى مۇناي ءوندىرىسى كولەمىن قالپىنا كەلتىرۋ جوسپارىن كەيىنگە قالدىرۋ تۋرالى شەشىمىنەن 75،2 دوللارعا (+ 1،4%) دەيىن ءوستى. قىسقا جانە ۇزاق مەرزىمدى پەرسپەكتيۆادا مۇنايعا دەگەن سۇرانىستىڭ ارتۋ بولجامىنا قاراماستان، مۇناي ءوندىرىسى كولەمىن تاۋلىگىنە 2،2 ملن باررەلگە دەيىن قىسقارتۋ تۋرالى شەشىم اعىمداعى جىلدىڭ سوڭىنا دەيىن ۇزارتىلدى. دەگەنمەن، Eniء-دىڭ باس ديرەكتورى وپەك+ ءتىڭ ءوندىرىستى ازايتۋ جونىندەگى قادامى جاڭا وندىرىسكە تارتىلۋى ءتيىس ينۆەستيسيالاردى تەجەيدى، بۇل بولاشاقتا الەمدىك نارىقتاعى مۇنايعا دەگەن ۇسىنىستاردىڭ تومەندەۋىنە اكەلۋى مۇمكىن ەكەنىن ايتادى. سونداي-اق، مۇناي ترەيدەرلەرى مەكسيكا شىعاناعى قايراڭىندا مۇناي وندىرىسىنە ءقاۋىپ ءتوندىرۋشى جاڭا تروپيكالىق داۋىلعا نازار اۋدارادى. سونداي-اق فەدرەزەرۆ وتىرىسىنىڭ جانە بۇكىلقىتايلىق جينالىستىڭ قورىتىندىسى نەگىزگى تۇتىنۋشىلاردىڭ مۇنايعا دەگەن سۇرانىسىنا اسەر ەتۋى مۇمكىن. وسى جاعىنان العاندا، مۇناي باعامىنىڭ بولاشاقتا قىمباتتاۋ ىقتيمالدىلىعى جوعارى.
بۇعان دەيىن وپەك+ ەلدەرى مۇناي ءوندىرىسى كولەمىن ارتتىرۋ تۋرالى جوسپاردى تاعى دا كەيىنگە قالدىرعانىن جازعان بولاتىنبىز.
