Apta basynda munai baǵasy aqyryndap kúsh alǵanymen, ol teńgege shaqqandaǵy AQSh dollaryna yqpal ete almai jatyr. Teńgeniń qunsyzdanýyna, syrttan góri ishki faktorlar kóbirek áser etýde. Al qor birjasynda QMA aktsiialaryna suranys artty, dep habarlaidy Dalanews.kz.
Atalǵan naryqtarǵa sholýdy Qazaqstan qarjygerleri qaýymdastyǵynyń sarapshylary ázirledi.
VALIýTA NARYǴY
Bul apta ulttyq valiýta baǵamynyń ary qarai álsirei túsýinen bastaldy: qor birjasynda dúisenbidegi saýda-sattyq kólemi 287,0 mln dollarǵa (+92,9 mln) aitarlyqtai ósip, 1 AQSh dollardyń quny 489,15 teńgeni (+0,88 teńge) qurady. Negizinen, syrtqy naryqtaǵy jaǵdai oń sipatqa ie, iaǵni azdap baǵasy ósken munai dollarǵa qysym kórsetýi tiis, alaida bul rette ishki faktorlar kóbirek ról oinap, teńge qunsyzdana tústi. Shetel valiýtasyn belsendi satyp alý jergilikti naryqtyń jekelegen iri oiynshylaryna kerek boldy. Bul qazaqstandyq kompaniialardyń importtyq kelisimsharttar jáne syrtqy mindettemeler ótemi syndy tólem maqsattaryn júrgizý úshin qajet bolsa kerek. QR UB derekterine sáikes, III-toqsanda import kólemi 2%-ǵa, iaǵni 15,5 mlrd dollarǵa deiin ulǵaidy, al qazan-jeltoqsan ailarynda syrtqy qaryz boiynsha tólemder 10,2 mlrd dollardy (2024 jyly III-toqsanda - 8,7 mlrd.) quraýy múmkin. Al elimizdegi aqsha aiyrbastaý oryndarynda 1 AQSh dollary 490-492 teńge aralyǵynda satylýda.
QOR NARYǴY
Dúisenbide kúndizgi saýda-sattyq qorytyndysy boiynsha KASE indeksi is júzinde ózgergen joq (+0,03%), ol 5 213,56 tarmaq belgisinde qalyptasty. "Qazatomónerkásip" aktsiialarynyń quny azdap ósti (+0,9%), al qarjylyq nátijeleri kelesi aptanyń sońynda kútilip otyrǵan BTsK-nyń úlestik baǵaly qaǵazdary baǵasy azdap tómendedi (-0,9%). Sonymen qatar, S&P Global kredittik reitingisinde QazTransOil kompaniiasy "VV+" deńgeii saqtap qalǵany habarlandy, boljam -"Turaqty". Búgingi saýda-sattyqta jergilikti investorlar tarapynan keshe ǵana 2024 jyldyń 9 aiynyń qorytyndysy boiynsha óndiristik kórsetkishteri týraly esebin jariialaǵan QMG aktsiialary (munai/gaz kondensatyn óndirý jáne munai tasymaly kólemi ótken jyldyń sáikes kezeńimen salystyrǵanda 3,1% jáne 6,4%-ǵa ósti) suranysqa ie bolýda.
MUNAI
Dúisenbide Brent munaiynyń bir barreli OPEK+ elderi munai óndirisi kólemin qalpyna keltirý josparyn keiinge qaldyrý týraly sheshiminen 75,2 dollarǵa (+ 1,4%) deiin ósti. Qysqa jáne uzaq merzimdi perspektivada munaiǵa degen suranystyń artý boljamyna qaramastan, munai óndirisi kólemin táýligine 2,2 mln barrelge deiin qysqartý týraly sheshim aǵymdaǵy jyldyń sońyna deiin uzartyldy. Degenmen, Eni-diń bas direktory OPEK+ tiń óndiristi azaitý jónindegi qadamy jańa óndiriske tartylýy tiis investitsiialardy tejeidi, bul bolashaqta álemdik naryqtaǵy munaiǵa degen usynystardyń tómendeýine ákelýi múmkin ekenin aitady. Sondai-aq, munai treiderleri Meksika shyǵanaǵy qairańynda munai óndirisine qaýip tóndirýshi jańa tropikalyq daýylǵa nazar aýdarady. Sondai-aq Fedrezerv otyrysynyń jáne Búkilqytailyq jinalystyń qorytyndysy negizgi tutynýshylardyń munaiǵa degen suranysyna áser etýi múmkin. Osy jaǵynan alǵanda, munai baǵamynyń bolashaqta qymbattaý yqtimaldylyǵy joǵary.
Buǵan deiin OPEK+ elderi munai óndirisi kólemin arttyrý týraly jospardy taǵy da keiinge qaldyrǵanyn jazǵan bolatynbyz.
