Qaraǵandy oblysyndaǵy volfram ken oryndaryn igerip jatqan, Donald Tramptyń uldarymen bailanysty Cove Kaz Capital kompaniiasy AQSh Qorǵanys ministrliginen qosymsha 400 million dollar surady. Bul týraly Financial Times basylymy málimdedi, dep habarlaidy dalanews.kz.
Sóz Soltústik Qatpar jáne Joǵarǵy Qairaqty ken oryndary jaiynda bolyp otyr. Kompaniia buǵan deiin AQSh-tyń Eksport-import banki men Damý qarjylandyrý korporatsiiasynan shamamen 1,6 milliard dollar investitsiia tartqan.
Eger Pentagon ótinimdi qoldasa, Qazaqstandaǵy bul jobaǵa bólinetin amerikalyq memlekettik qarjy kólemi 2 milliard dollarǵa deiin ulǵaiady.
Basylym dereginshe, tiisti ótinish AQSh Qorǵanys ministrliginiń Strategiialyq kapital basqarmasyna 2026 jyldyń naýryzynda joldanǵan.
Buǵan deiin Financial Times basylymy AQSh prezidenti Donald Tramptyń uldary Erik Tramp pen kishi Donald Tramp Qazaqstandaǵy volfram jobasyna qatysy bar kompaniialardyń úleskeri atanǵanyn jazǵan edi. Basylym málimetinshe, olar janama túrde Qaraǵandy oblysyndaǵy Soltústik Qatpar men Joǵarǵy Qairaqty ken oryndaryn igerý jobasyna qatysatyn qurylymdarmen bailanys ornatqan.
Sondai-aq joba buǵan deiin AQSh-tyń Eksport-import banki men Halyqaralyq damý qarjy korporatsiiasynan shamamen 1,6 milliard dollar kóleminde qoldaý alǵany habarlanǵan. Sarapshylar muny AQSh-tyń strategiialyq mańyzdy metaldar boiynsha Qytaiǵa táýeldilikti azaitýǵa baǵyttalǵan qadamy retinde baǵalaǵan edi.
