NASA spýtniktik baqylaý júieleri Reseidegi iri munai óńdeý nysandarynyń birinde órt bolǵanyn kórsetti. Bul týraly Bloomberg habarlady, dep habarlaidy dalanews.kz.
Agenttik málimetinshe, NASA-nyń FIRMS júiesi Leningrad oblysyndaǵy «Kirishi» munai óńdeý zaýyty mańynda jylý anomaliialaryn jáne órt belgilerin tirkegen. Bul jaǵdai túngi ýaqytta jasalǵan dron shabýylynan keiin baiqalǵan.
Leningrad oblysynyń gýbernatory Aleksandr Drozdenko ónerkásiptik aimaqqa soqqy jasalǵanyn rastady. Onyń aitýynsha, shabýyl nysanasy munai óńdeý zaýyty bolǵan. Alaida keltirilgen zalal kólemi týraly naqty aqparat berilmedi.
Derekkózderdiń málimetine súiensek, táýligine shamamen 400 myń barrel munai óńdeitin zaýyttaǵy óndiris naýryz aiynyń sońynan beri jasalǵan birqatar shabýyldan keiin eń tómengi deńgeige deiin qysqarýy múmkin.
Atalǵan kásiporyn Sýrgýtneftegaz kompaniiasyna tiesili.
