الماتى وبلىسىندا Lamborghini Aventador كٶلٸگٸنەن سەكٸرمەك بولىپ قازا تاپقان باتىرحان ەرجاننىڭ ٶلٸمٸنە قاتىستى قىلمىستىق ٸس قوزعالدى. رٶلدە 45 جاستاعى ەر ادام وتىرعان, - دەپ حابارلايدى Dalanews.kz "كتك" ارناسىنا سٸلتەپ.
اۋىر جاراقاتتان جٸگٸت اۋرۋحانادا قازا تاپقان. تەلەارنا مەلٸمەتٸنشە, مارقۇم باتىرحان ەرجان تيكتوك جەلٸسٸنە العاشقى ۆيدەولارىن وسىدان ەكٸ جىل بۇرىن سالا باستاپتى. ٶزٸ تاپ بولعان تٷرلٸ جاعدايدى ەزٸلمەن جەتكٸزٸپ, كەيبٸر ۆيدەوسى سەگٸز ميلليون رەت قارالعان. بٸراق بۇعان دەيٸن جٸگٸتتٸڭ ەكسترەمال كونتەنت تٷسٸرگەنٸ بايقالماعان.
قازٸر قايعىلى وقيعا بويىنشا پوليتسەيلەر تەرگەۋ جٷرگٸزٸپ جاتىر.
"29 قازاندا اقساي اۋىلىنداعى سوكول اۆتودرومى اۋماعىندا بەينەروليك تٷسٸرۋ ٷشٸن تريۋك ورىنداۋ كەزٸندە 22 جاستاعى جاس جٸگٸت ابايسىزدا 45 جاستعى جٷرگٸزۋشٸ باسقارعان كٶلٸكتٸڭ استىنا تٷستٸ. جٸگٸت اۋداندىق اۋرۋحاناعا جاتقىزىلدى. ال 30 قازاندا ەسٸن جيماستان كٶز جۇمدى. اتالعان دەرەك بويىنشا پوليتسييا قىلمىستىق ٸس قوزعادى. تەرگەۋ جٷرگٸزٸلٸپ جاتىر", - دەدٸ مەرۋەرت مورياكوۆا, الماتى وبلىسى پد رەسمي ٶكٸلٸ.
وقيعا سەنات دەپۋتاتتارىنا دا مەلٸم. كٶلٸكتٸڭ يەسٸ عانا ەمەس, تريۋك جاساعان ادام دا ونىڭ سالدارى جايلى الدىن الا ويلاۋ كەرەك ەدٸ دەپ سانايدى.
"كاسكادەر دٷنيەسٸ ادام ٶمٸرٸنە قاۋٸپتٸ. سوندىقتان دا, رٶلگە وتىرعاننان كەيٸن ۇشاق, تٸكۇشاق, ماشينا بولسىن, بٸرٸنشٸ كەزەكتە ٶز ٶمٸرٸنە ٶزٸ جاۋاپتى. كٶلٸكتٸ جٷرەر الدىندا تەحنيكالىق قاۋٸپسٸزدٸگٸن قاراپ شىقتى ما, تەكسەرٸپ شىقتى ما دەگەن سيياقتى. مەنٸڭ ويىمشا, بٸر جاقتان عانا كٸنەنٸ ٸزدەۋگە بولمايدى. ول دۇرىس ەمەس. جان-جاقتى قاراۋ كەرەك", - دەدٸ گەنناديي شيپوۆسكيح, سەنات دەپۋتاتى.
قايعىلى وقيعا بولعان جەر - «سوكول» اۆتودرومى. الماتىدان الشاق ورنالاسقان بۇل جەردە كٶلٸكسٷيەر قاۋىم جاتتىعۋلار ٶتكٸزٸپ, سپورت جارىستارىنا قاتىسادى. اۆتودروم باسشىلىعى بولعان جايتقا پٸكٸر بٸلدٸرۋگە قۇلىق تانىتپاعان.
